Bankina e PSG-së po rëndon mbi Pochettinon, emri i Zidanes del sërish në sipërfaqe

Mauricio Pochettino rrezikon të mos e përfundojë sezonin në te Paris Saint-Germain dhe Zinedine Zidane shihet si pasuesi më i mundshëm i tij.

Shumë njerëz e përshëndeten emërimin e Pochettinos 11 muaj më parë nga Paris Saint-Germain, me argjentinasin që e zëvendësoi Thomas Tuchel në stolin e klubit nga Parc des Princes.

Megjithatë, Tuchel menjëherë shkoi te Chelsea dhe kaloi një hap më tej në Ligën e Kampionëve sesa kishte arritur me PSG-në duke u kurorëzuar kampion evropian vetëm disa muaj pasi mori detyrën e trajnerit.

Lexo po ashtu “Një është i lumtur, tjetri është i trishtuar” – Mauricio Pochettino zbulon se “nuk është e lehtë” të trajtosh disponimin e lojtarëve të PSG-së

Tani, hija e Zinedine Zidane po duket mbi Parisin, edhe pse Leonardo ka mohuar zërat për takime mes klubit dhe ish-trajnerit të Real Madridit.

Kishte lehtësim më 1 shtator, kur afati kalimtar i transferimeve u mbyll dhe PSG kishte arritur të mbante Kylian Mbappe për të shtuar bollëkun e yjeve që sollën gjatë verës, por gjërat nuk kanë qenë edhe aq të përkryera që atëherë.

PSG dukej se ishte një makinë e ndërtuar për të shënuar gola, por gjërat nuk po funksionojnë siç ishte planifikuar. Nuk ka asnjë javë që kalon pa ndonjë fatkeqësi për klubin dhe lëndimi i Neymar është vetëm i fundit.

Lexo po ashtu PSG mendon të lirojë Pochettinon për të kaluar te Man Utd në fund të sezonit

Thashetheme, thashetheme dhe më shumë thashetheme

Spekulimet që e lidhin Zidanen me këtë punë po intensifikohen dhe Pochettino e di se situata në klub është larg idealit, kjo është arsyeja pse ai ishte i hapur për punën e trajner të Manchester United pas shkarkimit të Ole Gunnar Solskjaer.

Edhe pse ardhja e tij u prit me emocione dhe gëzim, tani që faza e parë e Ligës së Kampionëve ka përfunduar, shumë njerëz po pyesin nëse çdo gjë do të jetë një përshtatje e përsosur për Pochettinon në Paris.

Për më tepër është se tani ka pëshpëritje se Lionel Messi nuk është plotësisht rehat në formacionin e Pochettino, me gazetën L’Equipe që shton vazhdon të shtojë thashethemet rreth klubit. /Telegrafi/