Drogba këshillon Salahun: Duhet të largohesh nga Liverpooli dhe të kthehesh te Chelsea

Legjenda e Chelseat, Didier Drogba, i ka kërkuar Mohamed Salah që të largohet nga Liverpool dhe të kthehet në Stamford Bridge.

Drogba dhe ylli i Liverpoolit, Salah ishin bashkëlojtarë te Chelsea në vitin 2014.

Dhe legjenda nga Bregu i Fildishtë e pranon se do të dëshironte ta shihte yllin egjiptian të rikthehej te ish-klubi i tij mes spekulimeve për të ardhmen e tij në Anfield.

Lexo po ashtu Drejtuesit e Liverpoolit i caktojnë afat sulmuesit Salah për të rënë dakord për kontratë të re

“Nëse jam egoist, do t’i them Salah të largohet nga Liverpooli dhe të kthehet në Chelsea”, ka thënë fillimisht Drogba me shaka kur foli për Al-Axis TV.

“Mendimi im është se Salah do të mbetet më i miri, pa marrë parasysh nëse ai do të vazhdojë te Liverpooli apo nëse do të lëvizë diku tjetër”.

“Çdo ekip tjetër do të performonte më mirë [me të] sepse ai e kupton atë që po bën, është i mirë në shënimin dhe krijimin e golave ​​dhe ka nevojë vetëm për besimin e trajnerit”.

“Nuk e di se cili do të ishte vendimi i tij. Ky është vetëm vendimi i tij dhe e ardhmja e tij, por kudo që të shkojë, unë do të jem një nga fansat e tij”, përfundoi ish-sulmuesi i Bluve. /Telegrafi/