Eriksen viziton specialistin në Danimarkë, synon rikthimin e shpejtë në aksion

Christian Eriksen po i nënshtrohet kontrolleve të vazhdueshme të zemrës dhe mund të kthehet në aksion sezonin e ardhshëm, por jo te Interi.

Pesë muaj më parë, karriera dhe jeta e Eriksenit ndryshoi përgjithmonë pasi ai u rrëzua në fushë gjatë ndeshjes Danimarkë-Finlandë pas një arresti kardiak.

Atij iu dha ndihma për të shpëtuar jetën në fushë përpara se të stabilizohej në spital, ku iu implantua një defibrilator i zemrës disa ditë më vonë.

Por, ish-ylli i Tottenham Hotspur nuk mund të luajë në Serie A me një pajisje të tillë të implantuar në zemër.

Lexo po ashtu Komiteti teknik shkencor pranë FIGC: Eriksen nuk mund të luajë në Serie A pa e larguar defibrilatorin

Autoritetet italiane nuk lejojnë të luani asnjë sport kontakti me një defibrilator të implantuar të zemrës pasi çdo kontakt ose goditje mund të thyejë pajisjen.

Ai nuk mund të stërvitet as në një palestër të rregullt, sepse nuk do të merrte dritën jeshile nga mjekët. Kjo është arsyeja pse, sipas La Gazzetta dello Sport, Eriksen tani është kthyer në Danimarkë, ku ka vizituar një specialist të zemrës dhe ku ka filluar një program rehabilitimi.

Eriksen è pronto ripartire: vuole rientrare l’anno prossimo #Inter https://t.co/OlPtJAFLjB

— La Gazzetta dello Sport (@Gazzetta_it) November 12, 2021

Të gjitha provimet e kryera nga lojtari gjatë pesë muajve të fundit nuk kanë nxjerrë në pah ndonjë problem të përhershëm në zemrën e tij, që mund të jetë lajm i mirë ose i keq, sepse, në letër, ajo që ndodhi pesë muaj më parë nuk ka ende shpjegim.

Eriksen do t’i nënshtrohet testeve të rregullta mjekësore gjatë muajve të fundit dhe nëse nuk shfaqen probleme, ai mund të rrisë ngarkesën e punës nga fillimi i vitit 2022.

Sipas raportit, fakti që Eriksen po viziton specialistët në Danimarkë dhe jo në Itali, sugjeron se ai nuk po planifikon të kthehet në aksion në Serie A.

Lexo po ashtu Eriksen nuk mund të luajë në Itali, Interi shqyrton opsionin e shitjes jashtë shtetit

Paga e tij te Interi mbulohet nga sigurimet e FIFA-s dhe drejtuesit e Nerazzurrëve nuk kanë planifikuar ende një takim me agjentin e lojtarit për të ardhmen e tij.

Ata janë në marrëdhënie të mira me lojtarin dhe shoqëruesit e tij dhe janë të gatshëm të gjejnë zgjidhjen më të mirë për danezin.

La Gazzetta sugjeron se Ajax ose Odense mund të jenë destinacionet e tij të ardhshme, por është ende herët për të bërë parashikime për të ardhmen e Eriksen. /Telegrafi/