De Bruyne zbulon se Man City ishte stërvitur vetëm 10 minuta para fitores ndaj Man Utd

Kevin De Bruyne ka zbuluar se Manchester City stërviti vetëm 10 minuta para fitores së tyre në derbin ndaj Manchester Unitedit në Ligën Premier.

Djajtë e Kuq pësuan një humbje poshtëruese fundjavën e kaluar, me Cityn që dominoi në fitoren 2-0 në Old Trafford.

Një autogol i Eric Bailly dhe një gol tjetër i Bernardo Silva vulosën të tre pikët për kampionët e Ligës Premier dhe De Bruyne tani ka pohuar se menaxheri i Cityt, Pep Guardiola fillimisht nuk e kishte idenë se si të përgatitej për skuadrën e Ole Gunnar Solskjaer.

Mesfushori belg zbuloi se ekipi stërviti vetëm 10 minuta për të mposhtur rivalët e Unitedit në derbi.

“Një ditë para ndeshjes ne zakonisht stërvitemi taktikisht, bazuar në mënyrën se si luan kundërshtari”, ka thënë fillimisht De Bruyne për MidMid.

“Por para Unitedit, Pep tha: “Ne nuk e dimë se si do të luajnë ata. Do të shohim”. Dhe ne e ndërpremë stërvitjen pas 10 minutash apo diçka më shumë”.

Kevin De Bruyne on how Man City prepared for their match against Man United 😳 pic.twitter.com/94tWlFkcGO

— ESPN FC (@ESPNFC) November 11, 2021

“Shpesh Pep e di se si do të luajë kundërshtari. Këtë herë ai nuk e dinte, kështu që nuk dinte çfarë të bënte”.

“Ne kemi bërë atë që bëjmë gjithmonë, por ai nuk e dinte më parë nëse ata do të luanin me pesë mbrojtës apo me katër, apo me diamant në mesfushë, apo me tre sulmues”, përfundoi belgu. /Telegrafi/