Dua Lipa nderohet me çmimin “Artistja e shquar e vitit 2021” në Distinguished Leadership Awards – flet me krenari edhe për Kosovën

Këngëtarja shqiptare me famë botërore, Dua Lipa, po vazhdon të korrë suksese të jashtëzakonshme në sajë të karrierës profesionale që ka krijuar ndër vitesh.

Ajo së fundmi ka qenë pjesëmarrëse në evenimentin e ndarjes së çmimeve të Lidershipit të Shquar 2021 në Këshillin Atlantik.

Ylli ndërkombëtar është nderuar me çmimin “Artistja e Shquar e Vitit 2021”, ndërsa ishte e shoqëruar nga presidentja e Kosovës, Vjosa Osmani.

Për shpërblimin në edicionin e 60-të, krijuesja e hitit “Levitating” u shpreh se ndihet e nderuar dhe shumë krenare.

“Jam shumë e nderuar dhe krenare që kam pranuar çmimin ai ‘Artistja e Shquar e Vitit’ në Distinguished Leadership Aëards nga Atlantic Council në përvjetorin e tyre të 60-të”, ka theksuar Lipa në postimin e ndarë në InstaStory.

Ndërkohë, në fjalimin e mbajtur, 26-vjeçarja ka folur me krenari edhe për Kosovën duke iu drejtuar të pranishmëve se mund të kenë dëgjuar, por jo në mënyrën se si e përshkruan ajo.

“I come from a place most of you will have heard of but perhaps not in the way I am about to describe. I want to share with you a bit about my Kosovo.” @DUALIPA accepts the Distinguished Artistic Leadership Award from the @AtlanticCouncil. #ACawards #Kosovo #DuaLipa pic.twitter.com/7p87zfesmY

— Atlantic Council (@AtlanticCouncil) November 11, 2021

“Qëndroj përpara jush si një fëmijë nga Kosova që ka lindur në Britani të Madhe dhe është tani si mysafire e Amerikës. Unë vij nga një vend për të cilin shumica prej jush do të keni dëgjuar, por ndoshta jo në mënyrën se si do të përshkruaj. Dua të ndaj me ju pak për Kosovën time”, shton ajo.

Në shkrimin e ‘Atlantic Council’, Dua Lipa përshkruhet si: ‘Fituese e Grammy’, ‘Themeluese e Fondacionit Sunny Hill’ dhe ‘Aktiviste’.

Një reagim në lidhje me fjalimin e yllit shqiptar e ka bërë edhe i ngarkuari me punë në Ambasadën e Amerikës në Kosovë, Charge d’Affaires Nicholas J. Giacobbe, Jr, teksa shtoi: “Fjalë frymëzuese nga një kosovare krenare. Dua Lipa dje në Atlantic Council për punën e saj në fuqizimin e gjeneratave të reja të kosovarëve”. /Telegrafi/

Inspiring words from proud Kosovan @DUALIPA, honored by the @AtlanticCouncil yesterday for her work empowering new generations of Kosovans. #ACawards https://t.co/CtL6iyc0vH

— Chargé d’Affaires Nicholas J. Giacobbe, Jr (@USAmbKosovo) November 11, 2021