Edicioni i 10-të i KosICT-it – që u mbajt sivjet – ishte një nga ngjarjet më të rëndësishme për sektorin e Teknologjisë Informative dhe të Komunikimit (TIK) në Kosovë. Me kënaqësi aplikova për të qenë folës në këtë edicion, edhe pse për nga karakteri jam paksa i ndrojtur. Po ashtu, nuk shoqërohem shumë me komunitetin e TIK-ut meqë fokusin e kam më shumë në veprim sesa në prezantime.
Derisa nuk e hapa biznesin tim në vitin 2018, kontributi im profesional ka qenë të shërbej si urë lidhëse mes teknologjisë dhe menaxhimit, për t’i ndihmuar bizneset në përmirësimin e veprimtarisë përmes integrimit të teknologjisë së avancuar. Dhe, pikërisht tema për të cilën prezantova ishte platforma digjitale që ua mundëson bizneseve menaxhimin e performancës drejt një biznesi të qëndrueshëm.
U kënaqa në këtë ngjarje saqë harrova se e kisha ftohtë gjatë gjithë kohës. Më dukej se kjo kishte të bënte me emocionet e mia për prezantimin, por në të vërtet temperatura e ambientit ishte pak e ftohët për gardërobën që zgjodha për këtë ngjarje. E, derisa erdhi radha ime të flas, gjatë pauzave lëvizja nga njëra sallë në sallën tjetër, për t’u ngrohur disi.
Thënë të drejtën, përfitova shumë nga ky rast meqë e vërtetova thënien se “gjithçka ndodh për një arsye”. I takova të gjithë ata që në një formë ose tjetër janë pjesë e suksesit tim; disa individë që më këshilluan e disa kompani që më ndihmuan; partnerë biznesi e partnerë strategjik; ish punëdhënës e disa nga klientët e mi.
Organizatorët në këtë ngjare kishin ftuar persona e kompani që i përkasin një ekosistemi të ndërvarur. Nga vullneti për bashkëpunim e deri te vullnetit për pavarësim, ne ishim komuniteti KosICT. Të gjithë panelistët dhe folësit në këtë ngjarje vinin prej bizneseve të suksesshme që me shërbimet e tyre jashtë vendit kontribuojnë drejtpërdrejt në ekonominë e vendit tonë. Duke punësuar me mijëra të rinj e duke i edukuar ata në shërbimet profesionale, na dëshmonin se janë shtylla e shtetit tonë.
Duke u larguar nga ky event, e kuptova që shqetësimi kryesor i të gjitha këtyre bizneseve ishte mungesa e kuadrove profesionale, në fusha të caktuara. Dhe, nga të gjitha prezantimet e konkluzionet e panelistëve po ashtu kuptova se ky vërtetë mund të jetë hendeku mes sektorit privat dhe institucioneve shtetërore.
Statistikat tregojnë se numri i papunësisë në Kosovë është rreth 27 për qind. Me një strategji të mirëfilltë të edukimit, të ngritjes së kapacitetit profesionale dhe me përkrahje financiare – bashkërisht me organizatat që japin donacione për këtë qëllim – përqindja e madhe e personave të papunë mund të transformohet drejtpërdrejt në kuadro profesionale – e pse jo në punëdhënës në një të ardhme të afërt.
Kosova gjithashtu duhet të krijojë politika stimuluese të sipërmarrësve të rinj, për krijimin e bizneseve të vogla dhe të mesme, gjë që do të kontribuonte në krijimin e vendeve të reja të punës dhe në krijimin e balancës së qëndrueshme ekonomike.
Të shpresojmë, edhe kësaj radhe, në vetëdijesimin e institucioneve tona për një zhvillim të qëndrueshëm ekonomik.
Duke i falënderuar organizatorët për mundësinë që ma dhanë, të gjithë pjesëmarrëseve në këtë edicion ju them: Shihemi … për sukseset e radhës!
(Autori është themelues/CEO i kompanisë “Be Consulted”)
Promo
Reklamo këtuLufta Prigozhin - Putin
Më shumëMenaxheri i Xhensilës reagon pas deklaratave të Robert Berishës, publikon mesazhet
Erjolën e hedhin në mes të natës në pishinë, i ekspozohen pjesët intime
Droni ukrainas hedhë në erë anijen ruse në Krime, pamje nga aksioni
Humbi një rast të artë dhe u kritikua nga tifozët - ylli i Liverpoolit fshinë të gjitha postimet me fanellën e The Reds
Caktohet gjyqtari për ndeshjen kthyese Real-Bayern: Fat i keq për Los Blancos
Xavi ka prishur marrëdhëniet me lojtarin e Barcelonës: "Ai as që flet me të, nuk është e drejtë"
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'