Diçka si nga ‘Perëndimi i Egër’ në rrugët e Londrës: Gangsterët hapën zjarr ndaj njëri-tjetrit me pistoleta dhe automatik – duke qëlluar dy kalimtarë të pafajshëm

Katër persona të armatosur janë burgosur për më shumë se 60 vjet në total pasi gjashtë gangsterë qëlluan kalimtarët e pafajshëm jashtë një kishe në një luftë bandash.

Sipas mediave të huaja, përcjell Telegrafi, dy banda rivale të armatosura me gjashtë armë filluan të qëllonin kundër njëra-tjetrës në një ngjarje në një sallë kishe në Rigg Approach në Leyton, në veri të Londrës, në orën 5.04 të mëngjesit më 28 tetor 2017.

Rreth 300 pjesëmarrës në festë vrapuan për të shpëtuar jetën e tyre ndërsa të paktën tetë fishekë u qëlluan nga një automatik Uzi brenda vendit të mbushur plot, përpara se gjashtë anëtarët e bandës të vazhdonin përleshjen me armë në rrugë.

Si pasojë, dy kalimtarë të pafajshëm, një burrë 41-vjeçar dhe një grua rreth të 20-tave, u plagosën nga zjarri brenda sallës së kishës, dëgjoi gjykata.

Për fat të mirë, nuk ka pasur viktima.

Të shtënat, të cilat panë gjithsej të paktën 34 fishekë, u përshkruan nga një oficer policie Metropolitane si diçka nga ‘Perëndimi i Egër’.

Tre burra dhe një grua – Michael Lawrence, Kamal Lorren Parrish, Shearine Andrea Thompson dhe Sinan Ozger – u dënuan me një total prej më shumë se 60 vjet burg, pas një hetimi tre-vjeçar.

Dy anëtarë të tjerë të bandës të përfshirë në të shtënat – Haramein Jelani Mohammed dhe Jacob Joseph Maitland – do të gjykohen më 24 shkurt të vitit të ardhshëm.

Ndërkohë pamjet tronditëse të kamerave të sigurisë nga jashtë kishës treguan pjesëmarrësit e tmerruar të festës duke ikur për të shpëtuar dhe duke u strehuar pas automjeteve ndërsa personat e armatosur qëlluan kundër njëri-tjetrit me një automatik Uzi dhe armë të tjera. /Telegrafi/