Adele shpërthen në lot në koncertin e mbushur me yje, që shënoi rikthimin e saj në skenë pas një kohe të gjatë

Adele thuhet se ka shpërthyer në lot në rikthimin e saj në muzikë para një publikut të mbushur me yje.

Këngëtarja, 33-vjeçare, qau gjatë xhirimeve të “An Audience With Adele” të ITV-së dhe dukej e emocionuar, sipas burimeve.

Por, fansat në shfaqjen e Palladiumit në Londër kanë treguar për mediumet angleze se pavarësisht kësaj, ajo ende i mahniti ata me performancën.

Këngëtares së  “Easy On Me” iu bashkuan një sërë yjesh të muzikës dhe filmit në Palladiumin e Londrës ku ajo këndoi katër këngë të reja, të padëgjuara më parë nga albumi i saj i ardhshëm, “30”.

Por superylli, e cila ka qenë e hapur për frikën e skenës në të kaluarën, pranoi se ishte në ankth për t’u rikthyer dhe i tha audiencës: “Po frikohem! Jam shumë nervoz!”.

Dua Lipa, Idris Elba dhe Michael McIntyre ishin mes të famshmëve të ftuar në audiencë, si dhe shoku i saj Alan Carr që iu bashkua asaj në skenë.

Adele nuk ka mbajtur asnjë koncert në Mbretërinë e Bashkuar që nga shfaqjet e saj në “Wembley Stadium” në qershor 2017.

“Adele ishte lozonjare dhe argëtuese në skenë, por mund të thuash se po ndjente presionin. Ajo dukej më mirë se kurrë, por pati disa fillime të vështira gjatë gjithë mbrëmjes, qoftë kjo për shkak të problemeve teknologjike apo nervave të saj. Por ishte një ngjarje absolutisht e pabesueshme”, tha një burim që ishte pjesë e audiencës.

View this post on Instagram

A post shared by Adele (@adele)

Shfaqja speciale “An Audience With Adele”, u regjistrua për ITV dhe do të transmetohet më 21 nëntor – dy ditë pasi albumi i saj i katërt i “30” do të publikohet.

Të gjithë telefonat celularë u konfiskuan për të shmangur zbulimin e ndonjë prej performancave në internet përpara publikimit të albumit të saj dhe shfaqjes televiziv.

I dashuri i ri i Adelës, agjenti sportiv Rich Paul, 39 vjeç, ishte gjithashtu në audiencë, i cili e shoqëroi atë në udhëtimin e saj të parë në Mbretërinë e Bashkuar pas pothuajse dy vitesh. Pas koncertit ata u panë duke u nisur për në shtëpi me një makinë së bashku.

Albumi i saj i ri “30” është shkruar për ndarjen e saj në vitin 2019 nga ish-bashkëshorti Simon Konecki. /Telegrafi/