Azem Sadiku: Më shiti Menduh Thaçi, punoi kundër meje në rrethin e dytë zgjedhor
Kryetari i sapo zgjedhur i Komunës së Studeniçanit, Azem Sadiku për mediat tha se ai ka garuar PDSH, por në rrethin e dytë ka pasur, siç thotë ai, tradhëti nga kreu i PDSH-së, Menduh Thaçi.
“Unë deri në fund kam qenë PDSH dhe si kandidat i PDSH-së i fitova zgjedhjet me emblemën e PDSH-së, por fatkeqësisht pas rrethit të parë ku unë fitova bindshëm me 706 diferencë, kryetari i PDSH-së më shiti shumë lirë. Unë se kam çmimin aq. Ata kishin përgatit një kurth bashkë me BDI-në që vullnetin e popullit në Studeniçan ta ndryshojnë”, tha Sadiku.
Ai tha se kundër tij në këto zgjedhje lokale është angazhuar e gjithë aparatura shtetërore duke përfshirë këtu Qeverinë, policinë dhe siç thotë ai, pare të pista duke shpërndarë para me vetura të policisë.
“Blerim Bexheti, Izet Mexhiti, Arif Asani vazhdimisht kanë qenë nëpër katunde në rrethin e dytë dhe edhe pse rritën votat, me mbështetjen e Aleancës për Shqiptarët dhe nga qytetarët e Studeniçanit unë arrita të fitoj zgjedhjet, sepse kështu është vullneti i popullit dhe vullnetin e tij nuk ka kush e mposhtë”, u shpreh Sadiku.
Sadiku mes tjerash tha se ai ka qenë ndër të vetmit i cili ka qenë besnik i ideologjisë së PDSH-së, ndërsa vendimin për largimin nga partia e ka marrë personalisht vet.
“Vendimin për largimin e kam marrë personalisht vet, kurse strukturat e mia në Karshiakë, mbështetësit e mi që kanë qenë beton, më kanë autorizuar që të bisedoj me Aleancën për Shqiptarët dhe ky është vendim i gjithë strukturave të mia”, tha Sadiku.
Në fund ai u shpreh se kreu i ASH-së dhe sekretari i Përgjithshëm i ASH-së, Arben Taravari që nga dita e parë e përfundimit të zgjedhjeve kanë dalë publikisht në mbështetje të tij dhe se gjithë aktivistët e ASH-së kanë qenë bashkërisht në shtab zgjedhor të Azem Sadikut./Telegrafi/
Promo
Reklamo këtuLufta Prigozhin - Putin
Më shumëNga Rubrika
Mbi 100% rritje e denoncimit të diskriminimit, orientimi seksual dhe përkatësia etnike mes paraqitjeve më të shpeshta
I ndodhi shqiptarit nga Kosova, shkoi në Shkup ta operojë këmbën e majtë, ia operuan të djathtën
Komandanti i KFOR-it takon ambasadorët e QUINT-it, Turqisë dhe BE-së, shprehet përkushtim i palëkundur për sigurinë në Kosovë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251