Humbja e peshës së Adele tronditi botën vitin e kaluar kur ajo zbuloi se humbi 45 kilogramë. Ndërsa shumë fansa vlerësuan transformimin e saj, disa njerëz u mërzitën kur e panë atë në dukje si një person të fiksuar pas imazhit të trupit.
Të tjerët shpresuan se ajo kishte qëndruar e shëndetshme gjatë ndryshimit drastik. Por këngëtarja po i pushon të gjitha shqetësimet në një intervistë të re.
Adele, e cila publikoi këngën e saj të parë që nga viti 2015 sot, foli me Vogue për uljet dhe ngritjet e jetës së saj në 6 vitet e fundit. Këngëtarja më së shumti kaloi nëpër një divorc nga drejtuesi i bamirësisë Simon Konecki. Ata tani kanë një djalë të përbashkët, 9-vjeçarin Angelo.
Shëndeti i saj mendor vuajti gjatë ndarjes, por ajo gjeti që gjendja shpirtërore po përmirësohej kur shkoi në palestër. Ky ishte momenti kur ajo filloi të stërvitej rregullisht – ndonjëherë duke bërë dy seanca në një ditë!
Pse Adele humbi peshë?
Para dhe pas divorcit, këngëtarja tha se kaloi një “vit ankthi” që e detyroi atë të bënte ndryshime në jetën e saj. Kjo çoi në gjetjen e rehatisë në palestër, e cila u shndërrua në një transformim fizik.
“U bë koha ime”, tha Adele. “E kuptova që kur isha duke stërvitur, nuk kisha asnjë ankth. Asnjëherë nuk kishte të bënte me humbjen e peshës. Mendova, nëse mund ta bëj trupin tim të fortë fizikisht, dhe mund ta ndiej këtë dhe ta shoh atë, atëherë ndoshta një ditë mund t’i bëj emocionet dhe mendjen time fizikisht të fortë”.
Këngëtarja filloi të bëjë seanca intensive të ngritjes së peshave dhe stërvitje në një palestër private në Los Angeles. Ajo kishte djersitur ankthin dhe ishte bërë “mjaft e varur” nga stërvitja.
“Unë ngrija peshat e mia në mëngjes, pastaj normalisht dilja për shëtitje ose bëja boks pasdite, dhe pastaj kardio gjatë natës”, tha ajo.
Por siç thamë, jo të gjithë ishin të lumtur për humbjen e peshës së Adele. Këngëtarja tha se komentet më “brutale” erdhën nga gratë e tjera. Ajo i lëndoi ndjenjat e saj, tha ajo, por ajo është mësuar që njerëzit të komentojnë trupin e saj.
“Trupi im është objektifikuar gjatë gjithë karrierës sime. Nuk është vetëm tani. Unë e kuptoj pse është një tronditje. Unë e kuptoj pse disa gra u lënduan veçanërisht. Vizualisht unë përfaqësova shumë gra”, tha ajo. Por, pavarësisht ndryshimit fizik, “Unë jam akoma i njëjti person”. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe