Interi është në dëshirat e pronarëve të rinj të Newcastle, por nuk është prioritet

Mediumi italian Gazeta Corriere della Sera këmbëngul se fondi saudit i investimeve PIF, i cili ka blerë së fundmi klubin e Newcastle United, ishte interesuar për një blerje të Interit, por kjo nuk është më një përparësi.

Kishte pasur raporte në gazetën Libero për bisedime në një fazë të avancuar midis pronarëve aktual Suning Group dhe fondit saudit.

Ata paguan 350 milionë euro për të blerë 80 për qind të aksioneve të Newcastle United nga Mike Ashley dhe Interi do të kushtonte më shumë se 1 miliard euro.

Lexo po ashtu Sheikët e rinj të Newcastle nuk ndalen, duan të blejnë edhe Interin

Në një raport të përditësuar, Corriere della Sera vëren se me të vërtetë kishte pasur negociata me PIF, por këto ishin disa muaj më parë.

Niente #Inter per #Pif al momento. E #Suning vuole continuare alla guida della Beneamata: pronti i prolungamenti per #Marotta, #Ausilio e #Antonello
⚫️?https://t.co/dhnlpa79Wv

— FcInterNews.it (@FcInterNewsit) October 13, 2021

Ndërkohë, një gjë e madhe ka ndryshuar, sepse Suning solli një kredi prej 275 milionë eurosh nga Oaktree, ndërsa PIF përfundoi marrjen e Newcastle, e cila në atë kohë ishte bllokuar nga Liga Premier për shkak të një mosmarrëveshjeje për të drejtat televizive.

Duke thënë këtë, Corriere della Sera gjithashtu vëren se Suning nuk janë ende jashtë garës, pasi humbjet rekord vazhdojnë të grumbullohen dhe ata kanë tre vjet për të shlyer atë hua nga Oaktree me 10 për qind interes.

Lexo po ashtu Pamje magjike se si do të duket San Siro i ri

Prandaj çështja mund të diskutohet përsëri së shpejti, edhe pse tani për tani Interi nuk përfaqëson një përparësi për PIF.

Sugjerohet se Suning Group dëshiron të mbajë Interin të paktën derisa stadiumit të ri t’i jepet leje, por me burokracinë italiane, kjo mund të jetë disa vite larg. /Telegrafi/