Kishte konsumuar alkool në aheng, nxënësja nigeriane rrahet me thupra në oborr të shkollës – rrahjen e kishte miratuar babai i saj

Katër burra janë filmuar duke rrahur me thupra një vajzë që ishte gjunjëzuar, e pamjet e këtij momenti janë publikuar në rrjete sociale.

Bëhet fjalë për një nxënëse nga Nigeria e cila u rrah brutalisht, pasi u kap duke konsumuar alkool në ahengun e organizuar për ditëlindjen e saj, transmeton Telegrafi.

Ngjarja ka ndodhur në oborrin e një shkolle islamike në Nigeri, ku nxënësja rrahet para syve të prindërve që nuk mund ta ndihmonin assesi.

E mediat lokale raportojnë se kjo formë ndëshkimi ishte aprovuar nga i ati i vajzës, i cili pretendohet se ishte nervozuar kur e kishte parë të bijën duke konsumuar alkool në aheng.

“Informova menaxhmentin e shkollës për incidentin dhe personalisht kam kërkuar t’i jepet kjo formë e ndëshkimit, dhe kamë këmbëngulur të jem prezent kur ajo goditej”, citohet të ketë thënë babai i vajzës.

Gjithashtu bëhet e ditur se menaxhmenti i shkollës është shkarkuar si dhe vajza pas rrahjes ka kërkuar trajtim mjekësor. Megjithatë nuk dihet nëse personat që e godasin janë arrestuar nga autoritetet përkatëse. /Telegrafi/