Trajneri nga “Google” mbanë trajnim në Kosovë, Denis Gafuri jep detaje për konventën “Suksesi është qëllimi yt”

Trajneri nga Google mbanë trajnim në Kosovë, do të jetë pjesëmarrës në konventën “Suksesi është qëllimi yt”

Befasitë nuk do të mungojnë në konventën e katërt “SUKSESI ËSHTË QËLLIMI YT” 2021 që do të mbahet më 23 tetor në Prishtinë.

Organizatori i kësaj ngjarje, Denis Gafuri, në një intervistë për Telegrafin ka shpalosur disa detaje në lidhje me organizmin e sivjetmë, ku ndër të tjera pritet të marrin pjesë edhe folës nga kompania e madhe “Google”.

Gafuri tha se edhe këtë vit do të ketë shumë argëtim e pozitivitet në këtë organizimin.

“Ajo që vlen të përmendet është se folësit do të jenë shumë të mirë. Do të ketë inxhinier të shitjes, që vijnë prej “Google”, që do të ndajë eksperiencën, do të flas për kulturën e kompanisë “Google” dhe dixhitalizimin që neve na duhet shumë. Nëpër shumë kompani kjo na mungon, ajo kultura e kompanisë e mënyra e komunikimit”, u shpreh Gafuri.

Ai bëri të ditur po ashtu se do të ketë trajner edhe nga Britania e Madhe e Turqia, teksa ftoi të gjithë personat që duan të marrin pjesë që sa më shpejt të bëjnë rezervimin.

Në bazë të vendimeve të Qeverisë së Kosovës, edhe në këtë event do të respektohen masat antiCOVID.

Gafuri bëri të ditur se për të gjithë pjesëmarrësit që do të jenë fizikisht pjesë e eventit, duhet të kenë dëshmi të vaksinimit ose test PCR negativ.

E përveç pjesëmarrjes në mënyrë fizike, do të ketë edhe prej atyre që do të mund të kyçen virtualisht për të ndjekur këtë event.

Për rezervim të vendit tuaj, në Konventën e IV-të: SUKSESI ËSHTË QËLLIMI YT, kontaktoni në:

+383 49 893 693 / +383 49 893 888 / +383 49 68 77 77 . /Telegrafi/