Volkswagen do të heqë ndërruesit manual deri në vitin 2030

Ndërsa bota po përgatitet të hyjë në epokën e veturave elektrike, koha e ndërruesve manual po mbaron ngadalë.

Disa prodhues planifikojnë të përfundojnë prodhimin e veturave me ndërrues manual para se të kalojnë në një ofertë plotësisht elektrike, dhe Volkswagen gjithashtu duket se ka nënshkruar një “certifikatë vdekjeje” për transmetimin manual, të paktën sipas revistës gjermane Auto Motor und Sport.

Pas problemit të kushtueshëm ‘Dieselgate’ dhe në prag të një të ardhme të shtrenjtë të energjisë elektrike, VW dëshiron të ulë kostot më shumë se kurrë më parë. Prandaj, gjiganti gjerman kthehet në kutinë automatike DSG dhe heq dorë nga manuali, dhe ky proces gradual fillon në 2023.

Brezi i ardhshëm i veturave do të ketë ende motorë benzinë ​​dhe naftë, por jo një pedale të tretë. Crossover i ri kompakt Tiguan del në treg në vitin 2023 dhe besohet të ofrohet ekskluzivisht me një ndërrues automatik. E njëjta histori do të jetë me Passatin e rinovuar që vjen me të njëjtin vit.

Revista thotë se ndërruesi manual nga oferta e Volkswagen do të zhduket deri në vitin 2030. Kjo politikë ka të ngjarë të prekë markat e tjera brenda Grupit VW, përkatësisht Skoda, SEAT dhe Audi. /Telegrafi/