Shkalla e infeksionit shtatë-ditor me coronavirus në Gjermani bie për herë të parë që nga fillimi i korrikut

Sipas shifrave të së martës, një përqindje kryesore e infeksioneve me coronavirus në Gjermani ka rënë për herë të parë që nga fillimi i korrikut.

Masa – e cila numëron numrin e infeksioneve për 100,000 njerëz gjatë javës së kaluar – ra në 74.8, sipas organit të kontrollit të sëmundjeve të Institutit Robert Koch (RKI), përcjell Telegrafi.

Sipas mediave të huaja, një ditë më parë, vlera ishte 75.8 ndërsa një javë më parë, ishte në 58.0.

Ndryshe, autoritetet gjermane raportuan 5,750 infeksione të reja me coronavirus gjatë ditës së kaluar, me 60 vdekje të lidhura.

Shkalla e incidencës shtatë-ditore ka qenë baza e shumë planifikimeve të qeverisë në Gjermani deri më tani.

Por, me më shumë njerëz të vaksinuar dhe më pak njerëz në rrezik të sëmuren rëndë me Covid-19, vlerat e tjera siç janë shtrimet në spital duhet të merren më shumë parasysh.

Kabineti gjerman diskutoi të martën që numri i shtrimeve në spitale për 100,000 njerëz gjatë një periudhe shtatë-ditore të jetë një “matës thelbësor” i ri, sipas një propozimi të parë nga dpa.

“Sa më pak njerëz atje po trajtohen në spital për shkak të Covid-19, aq më shumë liri janë të mundshme”, për të tjerët, tha ministri gjerman i Shëndetësisë, Jens Spahn për grupin e mediave Funke më herët.

Numri i njerëzve që kanë vdekur nga ose me një infeksion Sars-Cov-2 në Gjermani që nga fillimi i pandemisë është 92,200. /Telegrafi/