Testet e gjakut hidhen në rrugë në qytetin e Pejës, reagojnë qytetarët

Dhjetëra teste të gjakut janë hedhur në rrugë në qytetin e Pejës.

Kështu ka bërë të ditur një qytetar i cili ka publikuar edhe fotografitë në rrjetin social Facebook.

Sipas tij, hedhja e këtyre testeve është bërë nga një klinikë private, derisa ka ftuar inspektoratin dhe policinë që të merr masa.

Ai ka bërë të ditur se kjo pamje është në afërsi të urës së Pohovcit.

“Një klinik private nga Peja i hedh testet e gjakut në rrugë! Është turp nga kjo klinik që të bën kësi krimi në këtë kohë epidemie! Lus policinë dhe inspektoratin që të merr masa”, ka shkruar ai.

Ndaj kësaj dukurie kanë reaguar edhe qytetarë të tjerë të cilët me komente në rrjetet sociale kanë thënë se kjo është vepër penale.

Zëdhënësi i policisë për rajonin e Pejës, Fadil Gashi ka thënë për Telegrafin se lidhur me rastin kanë informuar inspektoratin e shëndetësisë.

“Për rastin edhe ne si polici jemi informuar përmes postimeve në rrjetet sociale dhe kemi informuar inspektorët shëndetësisë, dhe ata tash do ti marrin masat konfrom ligjit”, tha Gashi. /Telegrafi/