Gjinekologu i Spitalit Amerikan në Kosovë Dr. Goksu Goç ka treguar një rast mjaft interesant për lindjen e një foshnje me antitrupa kundër Covid-19.
Foshnja vetëm një ditëshe është testuar dhe ka rezultuar pozitive me Antitrupa kundër virusit Sars-Cov-2, pasi nëna e saj Gresa Elezi ishte vaksinuar gjatë shtatzënisë, transmeton Gazeta Shneta.
“Çdo kush mund të vaksinohet, ju rekomandoj të gjithë shtatzënat të vaksinohen.. Siç e shihni edhe tek foshnjat e juaja do të prodhojë antitrupa, edhe ato do të jenë të mbrojtura falë jush!”, ka shkruar gjinekologu Goç.
Në Kosovë është rekomanduar edhe më parë vaksinimi i grave shtatzëna dhe nënave gjidhënëse, pasi sipas mjekëve nuk ka asnjë efekt anësor tek fëmijët, transmeton Gazeta Shneta.
Ndryshe, kohë më parë dy grupe kryesore obstetrike në Shtetet e Bashkuara kanë rekomanduar që të gjitha gratë shtatzëna të vaksinohen kundër coronavirusit.
Kolegji amerikan i Obstetërve dhe Gjinekologëve dhe Shoqëria për Shëndetësi të Nënave, thanë në një deklaratë të përbashkët se të dhënat e marra gjatë muajve të fundit nga dhjetëra-mijëra gra shtatzëna kanë treguar se përdorimi i vaksinave kundër COVID-19 është i sigurt.
Infektimi me COVID-19 i vë gratë shtatzëna në rrezik të shtuar nga komplikimet e rënda, madje edhe vdekje. Por, vetëm 22 për qind e grave kanë marrë një ose më shumë doza të vaksinës kundër COVID-19, thuhet në të dhënat e Qeverisë amerikane. Kjo shifër është e ulët krahasuar me numrin e përgjithshëm të vaksinuarve në SHBA, ku pothuajse 70 për qind e popullsisë së rritur në SHBA kanë marrë një ose dy doza të vaksinës.
“Vaksinimi kundër COVID-19 është metoda më e mirë për të ulur mundësinë e ndërlikimeve të nënave dhe fetusit nga infeksioni me COVID-19 te gratë shtatzëna”, tha doktori William Groman, president i Shoqatës për Shëndetësi të Nënave.
Këto dy grupe më herët kishin thënë se gratë shtatzëna nuk duhet të përjashtohen nga vaksinimi, por nuk e kishin mbështetur plotësisht marrjen e vaksinave për këtë kategori të shoqërisë.
Por, “rekomandimi i fuqishëm” që gratë shtatzëna të marrin vaksinën, sipas këtyre dy grupeve shëndetësore, erdhi për shkak të rritjes së shqetësimeve nga varianti Delta, i cili është më ngjitës dhe që po përhapet me shpejtësi në mbarë Shtetet e Bashkuara.
Presidenti i Kolegjit amerikan të Obstetërve dhe Gjinekologëve, doktor Martin Tucker, tha në deklaratë se doktorët duhet të rekomandojnë vaksinimin për pacientet e tyre.
“Kjo nënkupton që të theksojmë sigurinë e vaksinave dhe rritjen e rrezikut nga ndërlikimet e rënda që lidhen me infektimin nga COVID-19 gjatë shtatzënisë, përfshirë edhe vdekjen”, tha Tucker.
“Është e qartë se shtatzënat duhet të ndihen të sigurta kur marrin vendimin që të vaksinohen dhe një rekomandim i fuqishëm nga gjinekologët e tyre mund të bëjë dallimin për shumë gra shtatzëna”, shtoi ai. /Telegrafi/
Lufta Prigozhin - Putin
Më shumëNga Rubrika
Përpunohen mbi 80 për qind e votave, këto janë rezultatet e zgjedhjeve parlamentare në RMV
Kështu do të ndaheshin deputetët e Njësisë Zgjedhore 5 me 81% të vendvotimeve të numëruara
Kështu do të ndaheshin deputetët e Njësisë Zgjedhore 1 me 84% të vendvotimeve të numëruara
Numërohen më shumë se gjysma e votave, këto janë rezultatet nga zgjedhjet kuvendare
"Lidhjet me Serbinë" dhe informata nga Qeveria e Kosovës, çka deshi të thotë Escobar pas pretendimeve se është i implikuar?
Zona Zgjedhor nr 6: Këto janë rezultatet e fundit nga 77% e votave të numëruara
Kështu do të ndaheshin deputetët e Njësisë Zgjedhore 6 me 81% të vendvotimeve të numëruara
Taravari: Ndryshimi u kry, sapo u firmos liria e këtij vendi
Koalicioni VLEN feston në qytetin e Tetovës dhe Gostivarit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?