Ben Affleck nuk mund t’i mbajë sytë larg Jennifer Lopezit edhe kur ajo është e nervozuar gjatë ngecjes së tyre në trafik

Ben Affleck ka qenë imazhi i lumturisë që nga ribashkimi me ish-in e tij, Jennifer Lopez në fillim të këtij viti.

Dhe aktori i lindur në Berkeley, 48 vjeç, provoi se asgjë nuk mund ta thartë gjendjen e tij të humorit kur ishte me J.Lo të mërkurën, shkruan DailyMail.

Ben dukej më se i lumtur kur çifti u gjend i bllokuar në trafik në Los Angeles poshtë Bulevardit Sunset, duke i buzëqeshur të dashurës së tij, 51 vjeçe, ndërsa ajo hodhi kokën prapa dhe lëshoi një psherëtimë të madhe.

Ben ishte pas timonit, dukej i qetë si kurrë më parë i veshur me një këmishë klasike që tregonte krahët e tij.

Ndërsa Jennifer kishte vënë një palë syze dielli  dhe dukej mjaft atraktive me pamjen e san.

Duket se interpretuesja e hitit “Jenny From The Block” do t’i duhet të mësohet me trafikun e dendur të Los Angelesit.

Kjo pasi është përfolur se Lopez duket se do të zhvendoset nga Miami në Los Angeles për të qenë më afër Affleckut.

Javën e kaluar, Lopez u pa duke vizituar shkollën e mesme në zonë me djalin Max, që mesa duket konfirmon interesimin e tyre për t’u zhvendosur.

“Ben dhe Jen po kalojnë pothuajse çdo natë së bashku kur nuk po punojnë”, tha një burim i brendshëm për Us Weekly të enjten. “Ata planifikojnë të lëvizin së bashku shumë shpejt.”

Lajmi u parapriu nga një raport i 7 korrikut se dyshja janë ‘angazhuar’ për ‘të kaluar pjesën tjetër të jetës së tyre së bashku’, pasi e kuptuan se kishin gjetur ‘dashurinë e vërtetë’.

“Ata janë plotësisht të përkushtuar për të ndërmarrë hapat e ardhshëm dhe për të kaluar pjesën tjetër të jetës së tyre së bashku … Për sa u përket të dyve, ata janë vetëm të bekuar që kanë gjetur njëri-tjetrin dhe zbuluar dashurinë e vërtetë, të cilën shumica e njerëzve munden vetëm ta ëndërrojnë ndonjëherë”, tha më tej burimi.

Çifti i ribashkuar filluan lidhjen në vitin 2002 dhe u fejuan më vonë atë vit, por ata e prishën fejesën dhe u ndanë në fillim të vitit 2004. /Telegrafi/