Ramaj: Kosova që nga viti 2010, nuk ka strategji të re të sigurisë, e as plan të reagimit kombëtar që funksionon në raste reale

“Kur një shtet pret që t’i ndodh një fatkeqësi që shkakton viktima në masë, për të kuptu se siguria si koncept ka ndryshu, atëherë situate është me të vërtetë e rëndë dhe për t’u shqetësuar”, tha Besa Kabashi – Ramaj, udhëheqëse e Qendrës për Hulumtim, Dokumentin dhe Publikim, pas rastit të helimit të qytetarëve në komunën e Deçanit.

Ramaj në llogarinë e saj në Facebook, është shprehur se që nga 2014-a, Kosova s’ka bërë me rishikim të sektorit të sigurisë, e as prioritet nuk e ka rishikimin e asaj që sot do të thotë siguri për qytetarët e saj dhe për shtetin.

“Pa dashtë me aludu çfarë kanë me qenë rezultatet e hetimit të helmimit të shumë qytetarëve të Deçanit, sabotimi i rezervave të ujit është një ndër format e “luftës” se sotme. Ashtu siç është edhe zhvillimi i akteve subversive, kampanjave dezinformuese me qëllim të shtyrjes së masave të mendojnë në një formë që i leverdisë armiqve të shtetit tonë të ri. Në ndërkohë, që nga 2014, Kosova s’ka bërë me rishikim të sektorit të sigurisë, e as prioritet nuk e ka rishikimin e asaj që sot do të thotë siguri për qytetarët e saj dhe për shtetin”, tha ajo.

Tutje theksoi se Kosova që nga 2010, nuk ka strategji të re të sigurisë, e as plan të reagimit kombëtar që funksionon ne raste reale, e mos te flasim për mungesën komplete të një sistemi funksionale për menaxhim të emergjencave.

“Kur të ne ndodhin fatkeqësi, vetëm heroizmat e flijimet e skajshme të individëve e grupeve shpëtojnë jete. Sistemi jofunksional i menaxhimit të emergjencave flenë ne krahët e këtyre individëve vetëmohues….ashtu si jetët e qytetareve. Siguria e qytetarëve të Kosovës dhe siguria kombëtare nuk kërcënohet vetëm duke “të sulmu me forca te armatosura” por edhe duke të sabotu burimin e ujit apo çfarëdo infrastrukture kritike që ke e nuk je në gjendje me e mbrojte”, u shpreh Ramaj.

Lexo po ashtu Presidentja Osmani në Deçan: Rast shumë i çuditshëm, të helmuarit u furnizuan nga dy burime uji

“Uji është një burim themelor për mirëqenien njerëzore dhe ekonomike dhe shoqëria moderne varet në infrastrukturën e ndërlikuar, të ndërlidhur të ujit për të siguruar furnizime të sigurta me ujë të sigurt dhe për të hequr dhe trajtimin e ujërave të ndotura. Kjo infrastrukturë është jetike për mirëqenien e njeriut dhe zhvillimin ekonomik dhe është vulnerabel/pikë e dobët” që të përdoret për qëllime të përçarjes, konfliktit ndërshtetëror dhe se fundi, terrorizmit (Peter H. Gleick).

Ajo ka pyetur se “ku është plani i përditësuar i shtetit tonë për Sigurinë Ujore? Dhe a mund te kemi një Plan për Sigurinë Ujore nëse nuk kemi një rishikim te freskët te sigurisë ne vend, ku do duhej te behej një analize e thelle e kërcënimeve dhe rreziqeve qe i kanosen sot Kosovës dhe qytetarëve të saj sot, e jo para 6 vjet apo 10.

“Me vjen shume keq për qytetarët e Deçanit. Kosova, që nga 2014 ka pas mundësi te punoj për të evitu situata të tilla (nëse ky rast del të jetë sabotim i qëllimshëm/helmim). Është e drejtë e juaja të kërkoni që shteti ynë të përditësojë mënyrën se si e sheh sigurinë kombëtare. Është e drejtë e juaja që taksat tuaja te paguajnë për një shtet qe ndërton kapacitetet e duhura për te ju përgjegjës kërcënimeve dhe rreziqeve që ju kanosen. Uroj që kjo të jetë tragjedia e fundit ku shteti ynë “zgjohet” pasi me e keqja të këtë ndodhë”, shkroi Ramaj./Telegrafi.