Rrugët u shndërruan në lumenj, njerëzit madje braktisën veturat e tyre – pamje pas një shiu që shkaktoi vërshime në Londër të Anglisë

Londinezët u lanë të luftonin me ‘stuhinë biblike’ natën e kaluar ndërsa vërshimet goditën kryeqytetin dhe lanë një gjurmë shkatërrimi në të gjithë qytetin.

Si pasojë, ekipet e shpëtimit kanë evakuuar pronat mes frikës së tavaneve të shembura dhe disa stacioneve të metrove të detyruar të mbylleshin, shkruajnë mediat e huaja, përcjell Telegrafi.

Ujërat e përmbytjes u derdhen nëpër rrugët e Portobello Road në Notting Hill pasi një shi i rrufeshëm goditi kryeqytetin në vetëm 90 minuta dhe në Raynes Park, në jug të Londrës, makinat u lanë të braktisura pasi reshjet e rrëmbyeshme shkaktuan kaos udhëtimi.

Ndërkohë në Turnpike Lane, në veri të Londrës, njerëzit u panë duke kaluar nëpër ujë në rrugë ndërsa shiu i madh binte dhe “përmbyste” rrugët.

Diku tjetër, në St John’s Wood, Westminster, një pronar shtëpie mbeti i tronditur kur uji filloi të dilte nga tualeti i tyre i tejmbushur nëpër pronën e tyre.

Friend’s video of Portobello Road. Crazy. pic.twitter.com/JE5i6C0C6Q

— Sophia Money-Coutts (@sophiamcoutts) July 12, 2021

MPS Westminster gjithashtu raportoi përmbytje të mëdha rreth Colville Terrace, Holland Road dhe Ladbroke Grove dhe tha se shërbimet e urgjencës tani po evakuonin zonat për shkak të pronave të përmbytura dhe tavaneve të shembura.

Ndërsa pasuan reshjet e forta, Brigada e Zjarrfikësve në Londër konfirmoi se ata kishin marrë më shumë se 1.000 telefonata në lidhje me përmbytjet dhe i nxiti njerëzit të “telefononin vetëm nëse kishte një emergjencë të mirëfilltë”.

“Ne gjithashtu po u kërkojmë njerëzve të kujdesen për fqinjët e tyre dhe të shikojnë për paralajmërimet e motit në zonën e tyre”. /Telegrafi/