Instituti për Politika Sociale “Musine Kokalari”, gjatë një hulumtimi që për objekt studimi kanë pasur gryken e Deçanit me katër hidrocentralet që funksionojnë aty, si dhe hidrocentralin e Radavcit, ka evidentuar disa të gjetura dhe shkelje për ujërat dhe mjedisin.
Sipas drejtuesve të këtij Instituti, problem mbetet shfrytëzimi i tërë kapacitetit ujor, shkatërrimi i vegjetacionit e habitatit natyror dhe dëmtimi i potencialit turistik dhe bujqësor.
Në publikimin e raportit “Hodrocentralet e profitit të privatit në dëm të mjedisit publik”, koordinatori i projektit në këtë institut, Dardan Bujupi, theksoi se problemet dhe parregullsitë të cilat janë të evidentuara në këtë raport, kanë derivuar në vështirësimin e jetës së banorëve të atyre zonave.
Bujupi thekson se qytetarëve në atë zonë pas ndërtimit të hidrocentraleve u kanë lindur probleme që nuk i kanë pasur me herët si dëmtimi i rrugës dhe vështirësimi i aktiviteteve ekonomike e daljes në bjeshkë.
“Njëra ndër to është shkelja e të drejtave politike, apo vendimmarrja dhe të drejtën për të qenë të informuar. Pra, është mbajtur vetëm nga një takim publik për katër hidrocentralet e ndërtuara në grykën e Deçanit. Madje, edhe ai diskutim publik ka qenë i organizuar keq, ashtu që ta pamundësojë pjesëmarrjen e banorëve. Në vend që të mbahet në njërën prej hapësirave zyrtare komunale, ai ishte mbajtur në një restorant. Ftesa ishte publikuar në një prej gazetave dhe me kaq kishte marrë fund njoftimi i qytetarëve. Pastaj nga mjedisi si e mirë publike kemi kaluar në mjedis si mjet të ekonomisë së ofertës. Kemi dallime të dukshme ndërmjet periudhës së parafizibilitetit dhe atë pas ndërtimit. Kjo si në anën e investimeve nga ana e kompanisë “Kelkos Energy”, ashtu edhe në atë të fuqisë instaluese e potencialit hidrik”, thekson Bujupi.
Ai theksoi se një e gjetur tjetër është shkelja e Ligjit për Ujërat.
“Një e gjetur tjetër është shkelja e Ligjit për Ujërat. E drejta për shfrytëzimin e ujit në rastin e Hidrove në rastin e kaskadës së Lumëbardhit të Deçanit është dhënë pa koncesion dhe pa proces konkurrues – përmes lejes ujore, duke qenë kjo në kundërshtim me dispozitat e Ligjit për Ujërat e Kosovës si dhe në kundërshtim me praktikat që zbatohen këto mund të ndërtoheshin pa i dëmtuar interesat mjedisore e ato komunitare. E së fundi problem mbetet shfrytëzimi i tërë kapacitetit ujor, shkatërrimi i vegjetacionit e habitatit natyror dhe dëmtimi i potencialit turistik dhe bujqësor”, thekson ai.
Ndërsa, Belgzim Kamberi drejtor i Bordit të këtij Instituti, theksoi se si rezultat i hulumtimit, rekomandohet të specifikohen në mënyrë më rigoroze detajet e mbajtjes së debatit publik, të obligueshme me Kushtetutë dhe ligj, përfshirë hapësirën ku mbahen ato, e veçanërisht formën e diskutimit, duke i pasur parasysh të më poshtmet.
Kamberi po ashtu tha se një ndër rekomandimet është leja nga ZRRE, e cila sipas tij të jetë në përputhje me parimin bazë të ndërtimit të hidrocentraleve e që është ruajtja e minimumit ekologjik dhe të potencialit real hidrik të lumit.
Sipas Institutit, hulumtimi është bazuar duke marrë parasysh dy lloje të burimeve, e para nëpërmjet hulumtimit të procedurave dhe akteve legjislative, krahasimit të tyre me gjendjen në terren dhe krahasimin me shtetet tjera.
Si dhe këto të gjetura janë mbështetur me informatat e marra në intervista direkt nga baza e problemit, pra nga banorët e zonave të cilët direkt preken nga ndërtimi I hidrocentraleve, profesionist dhe të fushave përkatëse e përfaqësues të institucioneve./kp/Telegrafi.
Promo
Reklamo këtuLufta Prigozhin - Putin
Më shumëNga Rubrika
Vlerësimin kreditor BB nga Fitch Ratings – Power tregon çka përfton Kosova
Bajrami komenton raportin e shpenzimeve të Qeverisë Kurti : 128 milionë euro më pak investime kapitale
Viva Fresh Store ul çmimin e bukës në 20 cent – një hap drejt lehtësimit të shpenzimeve për familjet kosovare
A jeni gati për mbrëmjen e Maturës?
Viva Fresh Store renditet si grupi i pestë më i madh i shitjeve me pakicë në Ballkanin Perëndimor!
Qysh bohet kerri i vogël, kerr i ri!
Kurrë s’e ke pas ma lehtë se me Telegrafi Jobs me gjetë punë!
Bajrami komenton raportin e shpenzimeve të Qeverisë Kurti : 128 milionë euro më pak investime kapitale
Viva Fresh Store ul çmimin e bukës në 20 cent - një hap drejt lehtësimit të shpenzimeve për familjet kosovare
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'