Me 10 dollarë mund të bëheni pronar i shtëpisë luksoze të El Chapos

Një shtëpi nga e cila iku, zoti i drogës Joaquin “El Chapo” Guzmán ndërsa forcat e sigurisë u zhvendosën për ta arrestuar atë në vitin 2014, do të shitet në Meksikë.

Qeveria meksikane ka organizuar një lotari, ku do të fitohen pasuritë e sekuestruara nga emrat e mëdhenj në trafikun e drogës. Me dhjetë dollarë mund të fitoni banesat dhe sende të tjera luksoze të El Chapos.

Lexo po ashtu Publikohen pamje të papara të El Chapos, gardianët e rruajnë dhe ia marrin gjurmën e gishtërinjve – e pyesin edhe për profesionin

“Bileta e artë” është pikërisht vila e tij luksoze në Culiacan , ku Joaquin Guzmàn ishte fshehur para arratisjes së tij, në shkurt 2014, raporton bbc.

Shtëpia në Culiacan, në shtetin e Sinaloa, ishte skena e një prej arratisjeve dramatike të Guzmanot, pasi ai përdori një kullues stuhie për të shmangur një kërkim njerëzor, transmeton Telegrafi.

Prona me dy dhoma gjumi vlen rreth 184 mijë dollarësh. Shtëpia, e cila ka një fasadë të bardhë dhe nuk duket luksoze nga jashtë, do të shitet nga qeveria deri më 15 shtator, një ditë para Ditës së Pavarësisë së Meksikës.

Shorti do të përfshijë gjithashtu një rezidencë që i përkiste ish-udhëheqësit të kartelit, Juarez Amado Carrillo në zonën ekskluzive të El Pedregal, në jug të qytetit të Meksikës. Është vlerësuar të jetë me vlerë rreth 3.8 milionë dollarë. Në përgjithësi, 22 prona do të shortohen, me një vlerë totale prej 12.5 milionë dollarë.

Lexo po ashtu Shkëlqimi dhe rënia e Emma Coronel Aispuros: Dikur një mbretëreshë droge, tani në izolim total

Guzman, ish-udhëheqësi famëkeq i kartelit Sinaloa, po vuan një dënim të përjetshëm në një burg të SHBA-së.

Ai ishte një nga trafikantët më të mëdhenj të drogës në SHBA dhe, në 2009, hyri në listën e Forbes të njerëzve më të pasur në botë me numrin 701, me një vlerë të vlerësuar prej 1 miliard dollarësh. /Telegrafi/

2. Aparentemente, la casa no tiene “ningún chiste”. Pero fue en este domicilio donde en 2014, Joaquín El Chapo Guzmán, toreó a la Armada. Mientras ellos trataban de entrar, el narco huía de ahí con su amante por un pasadizo secreto. El valor de esta casa se esconde en la bañera pic.twitter.com/HQ2Xkv4TRO

— EL PAÍS México (@elpaismexico) July 5, 2021