Nëna më e re në Britani, si 10-vjeçare mbeti shtatzënë dhe me 11 solli në jetë foshnjën – e familja e saj nuk ishte në dijeni për shtatzëninë

Një vajzë 11-vjeçe, ka fituar “epitetin” e nënës më të re në Britani të Madhe, pasi si 10-vjeçare mbeti shtatzënë dhe në fillim të këtij muaji solli në jetë fëmijën e parë.

Që të dyja – nëna dhe foshnja janë mirë me shëndet, kanë raportuar mediat britanike. E familja e vajzës as që e kishte idenë që ajo ishte shtatzënë, ndërkaq zyrtarë nga ministria për punë sociale janë duke hetuar rastin se si ka ardhur deri te kjo, transmeton Telegrafi.

“Kemi qenë të shokuar. Ajo tani është e rrethuar nga ekspertët. Është më e rëndësishme që ajo dhe foshnja janë mirë”, ka thënë për The Sun një burim i afërt me familjen e vajzës.

“Është nëna më e re për të cilën kam dëgjuar”, ka thënë mjekja Carol Cooper, duke shtuar se vajzat në të shumtën e rasteve në fazën e pubertetit futen në moshën 11-vjeçare, pavarësisht se kjo mund të ndryshojë nga periudha 8 deri në 14-vjeç.

Mjekja britanike theksoi se pesha luan faktor kyç në hyrjen e fazës së pubertetit dhe se tek fëmijët më të shëndoshë shfaqet më herët.

E deri më tani nëna më e re në Britani ka qenë Theresa Middleton, që si 12-vjeçare solli në jetë foshnjën në vitin 2006. /Telegrafi/