Probleme te Kroacia, Perisic rezulton pozitiv me COVID-19

Federata Kroate e Futbollit ka njoftuar zyrtarisht se mesfushori i Interit dhe kombëtares së Kroacisë, Ivan Perisic ka dalë pozitiv për COVID-19.

Kombëtarja ballkanase po përballet me probleme, pasi tashmë ka raste të infektimit me coronavirus në skuadër.

“Gjatë mbrëmjes, Federata Kroate e Futbollit mori rezultatet e testimit të rregullt për virusin SARS-CoV-2, i cili tregoi se anëtari i ekipit kombëtar Ivan Perisic ishte pozitiv”, thuhet në një deklaratë zyrtare.

Hrvatski nogometni savez zaprimio je tijekom večeri rezultate redovnog testiranja na virus SARS-CoV-2 koje je pokazalo da je reprezentativac Ivan Perišić pozitivan na koronavirus. Priopćenje za medije: https://t.co/4Rao2kOT1X

— HNS (@HNS_CFF) June 26, 2021

Prandaj, 32-vjeçari do të humbasë ndeshjen e nesërme (e hënë) të raundit të 1/8-tës së Kroacisë në Euro 2020 kundër Spanjës.

Ky do të jetë një hendikep i madh për Kroacinë, pasi Perisic ka luajtur një rol kryesor për ekipin kombëtar gjatë Euro 2020 duke shënuar dy gola dhe regjistruar një asistim gjatë tre ndeshjeve të fazës së grupeve.

Ai në total ka 30 gola në 104 paraqitje për ekipin kombëtar të Kroacisë.

Kontrata e Perisic me Interin skadon në vitin 2022 dhe sipas disa raporteve në Itali, ai do të largohet nga Nerazzurrët gjatë verës pasi fituesit e titullit në Serie A nuk po planifikojnë t’i ofrojnë atij një marrëveshje të re. /Telegrafi/