Kante u përfshi në një aksident me Mini Cooperin e tij të famshëm, por edhe pas kësaj bëri foto me një tifoz

Cesc Fabregas ka ndarë një histori qesharake se si N’Golo Kante ishte vonë për një stërvitje te Chelsea sepse ishte i përfshirë në një aksident me makinë, pastaj u ndal për të bërë fotografi me tifozët në rrugë pasi ishte shumë i sjellshëm për t’i thënë jo.

Mesfushori i Francës është i famshëm me Mini Cooperin e tij, të cilin ai e ngiste për vite me radhë dhe imazhin modest, për të cilin ai këmbëngul se është i tepruar. Por, statusi i tij si njeri i mirë u konfirmua nga ish-kolegu i tij te blutë, Fabregas.

Kante ishte – në mënyrë të pazakontë – vonë për një stërvitje te Chelsea në vitin 2018, përpara ndeshjes në Kupën Carabao kundër Arsenalit. Arsyeja? Mini Cooperi i tij ishte përplasur me një kamion, duke thyer një pasqyrë dhe duke shkaktuar dëme në makinën e tij.

https://twitter.com/davidaxelrode/status/1364601616482107393?ref_src=twsrc%5Etfw%7Ctwcamp%5Etweetembed%7Ctwterm%5E1364601616482107393%7Ctwgr%5E%7Ctwcon%5Es1_&ref_url=https%3A%2F%2Fwww.sportbible.com%2Ffootball%2Ffootball-news-ngolo-kante-was-involved-in-a-car-crash-still-stopped-for-fan-photos-20210614

Sidoqoftë ndërsa Kante priste në anë të rrugës për të larguar veturën e tij, atij iu afrua një tifozë. Pra, natyrshëm ai thjesht i kërkoi një selfie, përkundër se lojtari kishte pësuar aksident.

“‘Të gjithë e dinë se ai është me të vërtetë një qenie njerëzore e mirë”, deklaroi Fabregas në Daily Telegraph.

“Një ditë, ne [ekipi] u takuam në mëngjes, po stërviteshim natën dhe të gjithë thoshin: ‘Ku është N’Golo, ku është N’Golo?’. Ne po fillojmë stërvitjet dhe normalisht ai ishte gjithmonë ishte në kohë”.

“Përfundimisht, ai arriti dhe të gjithë filluan të duartrokisnin dhe Antonio [Rudiger] tha: ‘Çfarë ka ndodhur?’”.

“Dhe ai po na thoshte se ai kishte një aksident me makinë dhe disa njerëz nuk mund ta besonin se ishte ai dhe ata po bënin fotografi dhe ai donte të ishte i sjellshëm”.

“Makina e tij ishte dëmtuar e gjitha dhe pasqyra duhej të ngjitej përsëri, por ai përsëri ndaloi për fotografi, edhe pse ishte vonë!”, ka shtuar më tej mesfushori spanjoll.

Edhe pse Kante është përpjekur të hedh poshtë historitë e veprimeve të tij vetëmohuese, shokët e tij të skuadrës duket se janë të vendosur të vazhdojnë të tregojnë histori të natyrës së mirësjelljes së 30-vjeçarit. /Telegrafi/