Cancelo rezulton pozitiv me Covid-19, Portugalia e zëvendëson me Dalotin

Mbrojtësi i djathtë i Portugalisë, Joao Cancelo ka rezultuar pozitivisht për COVID-19 dhe është zëvendësuar nga Diogo Dalot.

FA Portugeze njoftoi këtë mëngjes se Cancelo, një ish-mbrojtës i Juventusit, doli pozitiv për COVID dhe është zëvendësuar nga Dalot, i cili kaloi sezonin e fundit në huazim te Milani.

Dalot luajti në Kampionatin Evropian U-21 me Portugalinë që e pa skuadrën e tij të përfundonte e dyta pasi humbi në finale kundër Gjermanisë.

ℹ️  Diogo Dalot, internacional sub-21, vai juntar-se à comitiva da Seleção Nacional que se encontra em Budapeste a preparar a estreia no #Euro2020. https://t.co/WSB2j8h1bb

— Portugal (@selecaoportugal) June 13, 2021

Portugezi luajti 33 ndeshje me Milanin në sezonin 2020-21, ku ishte bashkuar me një marrëveshje huazimi të thjeshtë nga Manchester United.

Lojtari është kthyer në Old Trafford pas përfundimit të periudhës së huazimit të tij me Rossonerët të cilët arritën të ktheheshin në Ligën e Kampionëve për herë të parë që nga 2012-13.

Cancelo u bashkua me Manchester Cityn nga Juventusi në një marrëveshje shkëmbimi lojtar plus-para me Danilon në vitin 2019.

Ai kishte luajtur vetëm një sezon në Torino duke luajtur 34 ndeshje dhe duke fituar titullin në Serie A dhe një Superkupë të Italisë. /Telegrafi/

Luani dhe fitoni shpërblime këtu >

Më shumë lajme nga kampionati Euro 2020 >
—