Shkencëtarët thonë se dy lloje të virusit të gripit mund të jenë zhdukur
Gjatë pandemisë së shkaktuar nga COVID-19, kishte aq pak transmetim të gripit sezonal sa disa lloje të virusit të gripit mund të jenë zhdukur.
Gjegjësisht, gjatë kësaj pandemie, rastet e gripit ranë në vlera historikisht të ulëta – një fenomen që ekspertët ia atribuojnë mbajtjes së maskave dhe masave të tjera paraprake në luftën kundër coronavirusit të ri.
Por çfarë është më interesante, shkruajnë mediat e huaja, përcjell Telegrafi, është fakti se të dy llojet e viruseve të gripit nuk janë shfaqur në “radarin e askujt” për një vit, që do të thotë se asnjë rast i këtyre viruseve nuk është regjistruar askund në botë, raportoi STAT.
Sidoqoftë, ekspertët nuk e dinë ende nëse këto specie janë zhdukur, por nëse po, zyrtarët mund të zgjedhin më lehtë llojet e virusit të gripit që përfshihen në vaksinën e gripit sezonal.
Gripi A dhe Gripi B
Për të shpjeguar se cilat viruse të gripit mund të jenë zhdukur, së pari duhet të kuptojmë se si klasifikohen viruset e gripit.
Dy familje të viruseve të gripit shkaktojnë grip sezonal: gripi A dhe gripi B.
Viruset e gripit A ndahen në “nëntipe” bazuar në dy proteina në sipërfaqen e tyre të njohura si hemagglutinin (H) dhe neuraminidase (N).
Aktualisht, H1N1 dhe H3N2 qarkullojnë tek njerëzit, dhe secili prej këtyre nëntipeve ndahet edhe më tej në “klasa”.
Nga ana tjetër, viruset e gripit B nuk kanë “nëntipe” ose “klasa”, por ndahen në dy linja të njohura si B/Yamagata dhe B/Victoria.
Një “klasë” e H3N2, e njohur si 3c3.A, nuk është zbuluar që nga marsi i vitit 2020. E njëjta gjë vlen për linjën B/Yamagata, sipas STAT.
“Unë mendoj se ka një shans të mirë që ata të jenë zhdukur. Por bota në fund të fundit është një vend i madh”, thotë Trevor Bedford, një biolog në Qendrën Kërkimore të Kancerit Fred Hutchinson në Seattle.
Ndërsa Florian Krammer, një virolog në Icahn School of Medicine Mount Sinai në New York, ndau mendime të ngjashme në lidhje me B/Yamagata.
“Vetëm se askush nuk e pa atë nuk do të thotë se është zhdukur plotësisht, apo jo? Por mund të jetë zhdukur”, ka thënë Krammer.
Në këtë drejtim, vlerësohet se diversiteti më i vogël midis viruseve të gripit do të ishte një gjë e mirë.
Çdo vit, shkencëtarët bëjnë vaksinën e gripit pak muaj para se sezoni i gripit të fillojë në të vërtetë duke parë se çfarë lloje po qarkullojnë në botë dhe pastaj parashikojnë se cilat lloje të gripit mund të jenë më të zakonshmet gjatë sezonit të ardhshëm. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë