NATO po tërhiqet, por afganët kanë nis një luftë të ashpër me talebanët

Trupat e huaj po tërhiqen nga Afganistani dhe në 24 orët e fundit, 150 anëtarë të ushtrisë afgane u vranë dhe u plagosën në një ofensivë të madhe të talibanëve.

Luftimet po zhvillohen në 26 nga 34 provincat e Afganistanit, me një “numër të madh tronditës” të viktimave, konfirmuan burime të mirëinformuara për një reporter të reuters.

Qeveria e Afganistanit njoftoi se intensifikimi i luftimeve për territoret përkon me tërheqjen e përshpejtuar të forcave amerikane, e cila duhet të përfundojë deri më 11 shtator.

Sot, talibanët pushtuan zonën Shahrak, në provincën Gore në perëndim të vendit dhe, pas luftimeve të ashpra, detyruan njësitë e ushtrisë afgane të tërhiqeshin në fshatrat përreth.

Një shpërthim i fuqishëm me veturë bombë pranë selisë së policisë Kas Balk në provincën Balk ka vrarë të paktën katër vetë dhe ka plagosur më shumë se 50, përfshirë civilë. Talibanët kryen një sulm të fortë në zonën e Kaiser në provincën e Farijab, dhe me atë rast, dhjetëra anëtarë të ushtrisë humbën jetën.

Forcat e rregullta afgane të armatosura kanë filluar një operacion për të rivendosur kontrollin mbi zonën Nerk në provincën Wardak, e cila është më pak se një orë me makinë nga Kabul. /Telegrafi/