Shefi i Zyrës së Bashkimit Evropian, Tomas Szunyog ka thënë se shteti i Kosovës duhet të gjejë një zgjidhje të qëndrueshme sa i përket çështjes së faturave të energjisë elektrike në veri të vendit.
Ai ka deklaruar se zgjidhja duhet të përfshijë pagesën e atyre faturave.
Këto komente, Szunyog i bëri në Mitrovicë, pas përfundimit të ceremonisë së dorëzimit të tetë kamionëve për mbledhjen e mbeturinave në objektet e kompanisë “Standard”.
“Sa i përket energjisë elektrike, mendoj se është e nevojshme të gjendet një zgjidhje e qëndrueshme sa më shpejt që është e mundur, e cila në njërën anë do të ofronte furnizim të sigurt me energji elektrike, ndërsa në anën tjetër do të paguhej për energji elektrike, sepse është krejtësisht normale që njerëzit të paguajnë për të. Ne jemi duke punuar me gjithë të përfshirët që të sigurojmë këtë zgjidhje të qëndrueshme sa më shpejt që është e mundur. Mendoj se jemi në rrugën e duhur”, ka thënë Szunyog.
Së fundmi, është Qeveria e udhëhequr nga kryeministri Albin Kurti, i cila ka ndarë mbi 10 milionë euro për mbulimin e shpenzimeve të energjisë elektrike të qytetarëve serbë të veriut.
Qeveria Kurti ishte kritikuar për një veprim të tillë, të cilin e kishte kundërshtuar muaj më parë.
Në fund të muajit prill të këtij viti, me 6 vota për dhe 3 kundër, Komisioni për Ekonomi, Industri, Ndërmarrësi dhe Tregti ka votuar që në 6 muajt e ardhshëm, Operatori i Sistemit, Transmisionit dhe Tregut të energjisë elektrike të Kosovës (KOSTT) të mbulojë shpenzimet e energjisë elektrike në katër komunat me shumicë serbe në veri të Kosovës.
Banorët e katër komunave në veri të Kosovës nuk kanë paguar faturat e shpenzuara të energjisë elektrike, kurse këto borxhe deri në fund të vitit 2017 u janë faturuar qytetarëve nga viset tjera të Kosovës.
Besohet se që nga përfundimi i luftës e deri më tani vlera e borxhit të energjisë elektrike në veri ka arritur vlerën e mbi 140 milionë eurove. /KP/
Promo
Reklamo këtuLufta Prigozhin - Putin
Më shumëNga qershori Aeroportit të Prishtinës i shtohet edhe një linjë e re fluturimi
Një epokë e re e transformimit digjital: IPKO prezanton pakot PRIMA dhe aplikacionin IPKO TV
Relaksim në përjetësi, me “Holiday In 2” t’gjitha i ki
Respekti dhe vlerësimi i punëtorëve refletojnë në suksesin e Emona Center
Fito udhëtim në çift me IP Petrol!
Vazhdon rritja e çmimeve, tregtarët e hedhin fajin tek prodhuesit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe