Çdo sasi alkooli çon në një shëndet mendor më të dobësuar

Ata që mendojnë se mund ta kontrollojnë alkoolin që pinë në mënyrë që të mos i dëmtojë, duhet ta mendojnë edhe një herë.

Sepse konsumi i alkoolit, në çfarëdolloj sasie, duket se ndikon shumë më herët nga sa mendohej deri tani.

Një studim i Universitetit të Oksfordit tregon se ky konsum shkakton zvogëlimin e vëllimit të lëndës gri të trurit dhe ndikon tek kujtesa. Në studim morën pjesë 25.000 njerëz.

Verifikimet treguan se çdo sasi alkooli çon në një shëndet mendor më të dobësuar dhe se nuk ekziston asnjë nivel i “sigurt” i konsumimit të alkoolit – transmeton Top Channel.

Lexo po ashtu Çfarë i bën saktësisht trurit tuaj konsumi i alkoolit, me kalimin e moshës, shpjegon neurologia!

“Sa më shumë alkool të konsumojmë, aq më shumë zvogëlohet vëllimi i lëndës gri të trurit”, ka deklaruare Anya Topiwala, kërkuese klinike me shumë përvojë dhe njëkohësisht autore kryesore e studimit.

Alkooli i tepërt ndikon para së gjithash në tru: perceptimi është i shtrembëruar, aftësia e gjykimit e turbulluar, aftësia e përqendrimit reduktohet.

Në të njëjtën kohë ulet edhe pragu i rezervimit; ndoshta ndjen një lloj qetësie të këndshme. Por, teprimi mund të shkaktojë dehje deri në humbjen e vetëdijes.

Veçanërisht rëndë është treguar kjo në konsumin e tepruar deri në gjendje kome tek të rinjtë. Depresionet dhe agresionet bëhen më të forta.

“Zvogëlimi i vëllimit të trurit çon rrjedhimisht edhe në një performancë më të dobët të kujtesës”, ka shpjeguar autorja e studimit.