Interi po pret për vendimin e Contes

Interi thuhet se po planifikon të ulë kostot dhe po pret vendimin e Antonio Contes, por asnjë takim nuk është caktuar me presidentin Steven Zhang.

Il Corriere dello Sport raporton se trajneri pritet të takohet me Zhang, por pronari beson se ai tashmë ka qenë mjaft i qartë për planet dhe perspektivat e klubit përmes drejtorëve.

Situata nuk ka ndryshuar në lidhje me një takim midis dy palëve dhe kërkesa për të ulur kostot thuhet se e ka bezdisur trajnerin e Nerazzurrëve.

Lexo po ashtu Conte do të takohet me Zhang për të diskutuar për të ardhmen

Gazeta pretendon se do të varet nga Conte që të ekspozojë veten dhe të shpjegojë qëllimet e tij dhe nëse ai vendos të bashkëpunojë me Zhang, atëherë ekziston gatishmëria absolute për të organizuar një takim.

Il Corriere dello Sport raporton se strategu është kthyer në shtëpinë e tij në Torino dhe mund të jetë duke pritur që Interi të bëjë hapin e parë.

Lexo po ashtu E fituan titullin e Serie A - Conte tregon se kujt ia kushtoi Scudetton

Drejtorët vendosën një plan shkurtimesh në buxhet dhe largime të lojtarëve, për të ulur kostot e klubit, por thuhet se do të bënin gjithçka për të mos sakrifikuar ndonjë nga lojtarët kryesor.

Conte është ende i shqetësuar se plani për të ulur kostot mund të nënkuptojë se disa nga lojtarët kryesorë mund të shiten.

Klubi beson se tashmë ka qenë i qartë me trajnerin nga Lecce dhe Interi po pret vendimin e Contes. /Telegrafi/