Albena Reshitaj shquhet si një prej femrave më aktive në fushën e politikës.
Pavarësisht se ndan jetën mes dy profesioneve: stomatologjisë dhe aktrimit, ajo ka arritur që të ketë një karrierë të suksesshme edhe si ministre, dhe tani deputete e Kuvendit të Kosovës.
Teksa e shohim shpesh në intervistat e zakonshme, këtë herë deputetja Reshitaj në një paraqitje ndryshe për Telegrafin, tregoi anën tjetër të saj – atë të Albenës festive pranë familjarëve të aj në ditë të tilla si kjo e sotmja, që shënon festën e Fitër Bajramit.
Albena për Telegrafin tregoi fillimisht se është agjëruese e rregullt e muajit të shenjtë të Ramazanit, pasi e ka edhe në traditë familjare.
“Unë agjëroj që moti. Por komplet Ramazanin e agjëroj nga shkolla e mesme e deri sot. Vij nga një familje ku gjyshërit e mi kanë qenë praktikues të devotshëm të fesë islame. Unë kam kaluar një pjesë të madhe të fëmijërisë sime me ta, me që kam qenë i vetmi fëmije në familje që kam refuzuar kategorikisht çerdhen”, tregoi Albena.
Tutje, deputetja nga radhët e AAK-së tregoi se agjërimi gjatë këtij viti nuk ishte farë i vështirë për të.
Moti relativisht i freskët dhe gjendja shëndetësore e mirë ia mundësuar stomatologes dhe aktores së njohur, agjërimin sa më të lehtë të Ramazanit.
“Nuk ka qene aspak i vështirë Ramazani kësaj here. Mbaj mend gjate studimeve kur kam qenë e obliguar të studioj nga ora 07:00 e mëngjesit kur filloja mësimin në Fakultetin e Mjekësisë dhe vazhdoja pasdite në Fakultetin e Arteve deri në orën 18:00 në mbrëmje. Ajo ka qenë ndër kohërat më të vështira të agjërimit tim”.
Fundi i Muajit të Ramazanit sot, ashtu si në krejt botën u kurorëzua me festën e Fitër Bajramit, e cila shënoi një ditë më ndryshe nga festa e vitit të kaluar, e cila u zhvillua e mbyllur në kushte të diktuara nga situata pandemike.
Reshitaj për Telegrafin tregoi se si kremtohet zakonisht festa e Bajramit në shtëpinë e saj te familja e gjerë.
“Fillimisht bëjmë Bajram me më të afërmit e familjes, duke i uruar më të mirat në jetë njëri-tjetrit. Nuk mungojnë ëmbëlsirat dhe bakllava e bërë nga duart e nënës sime. Kur gjyshja ishte gjallë së pari mblidheshim të gjithë tek ajo për ta uruar e prej se më ka vdekur gjyshja, me që babai im është vëllai më i madh në familje, ne presim vëllezërit e motrat e tij të vijnë tek ne për të na uruar festën e pastaj së bashku vazhdojmë me hirearki tek secili në shtëpi për t’i uruar. Dreka e Bajramit shtrohet në orën 12:00 dhe është shumë e veçantë. Zakonisht pula me pilaf është ajo që e mbizotëron tavolinën e shoqëruar me sallatë, tarator, speca, sos supe e deri të t’ambel-orizi , tortat dhe bakllavaja”, thotë deputetja e AAK-së për Telegrafin.
E krejt për fundit, Reshitaj jep një mesazh urimi për të gjithë lexuesit e Telegrafi, me rastin e festës së Fitër Bajramit.
“Të dashur besimtarë kudo që jeni, me Fat Fitër Bajrami kjo ditë e shenjtë dhe e begatë për të gjithë myslimanët. Falënderojmë Zotin që jemi të bekuar ta presim e përcjellim muajin e Ramazanit me lutjen që Zoti i madh të na ketë pranuar agjërimin. Ashtu siç na ka bërë më të afërt me njëri tjetrin, më solidar, më me sakrificë ky muaj i shenjtë, le të vazhdojmë ta kemi shembull të freskët këtë vepër që si popull sidomos në këto kohëra të vështira të punojmë për të mirën e përbashkët e për ta bërë Kosovën ashtu siç duhet. Të nxjerrim më të mirën nga vetja dhe të jemi ata shqiptarë që na njeh historia, ata që nuk durojnë nëpërkëmbjen, përkuljen ndaj të keqes e të padrejtës kombëtare. Të jemi ata shqiptarë që nuk durojnë mos-vlerësimin dhe nënçmimin nga kushdo ardhtë . Ti lutemi çdo ditë Sunduesit të madh të Gjithësisë të na e hap mendjen, të na e hap zemrën, të na jap forcën që të jemi të dobishëm për familjet tona, për kombin tonë! Me fat”, përfundon Albena Reshitaj. /Telegrafi/
Promo
Reklamo këtuLufta Prigozhin - Putin
Më shumëNga Rubrika
“Vëllezërit që u rritën pa baba, pa mësuar ato gjërat që të mësojnë baballarët” – Egla mes lotësh kujton të atin
Banorja e Big Brother VIP Albania 3 që po pëlqehet më shumë në Instagram
Aktori turk Caglar Ertugrul dyshohet se bleu dhe shkatërroi ish-shkollën, në shenjë hakmarrjeje për traumat e fëmijërisë
Artistja 77 vjeçare Cher tregon pse lidhet me djem të rinj: Sepse ata të moshës time, thuajse të gjithë kanë vdekur
Gjyshja mendoi se po shkruante mesazhe me Robert De Niro, por mbesa e saj e pa mashtrimin: Nuk mund të ndaloja së qeshuri
"Je surpriza e këtij Big Brother" - Meriton Mjekiqi emocionohet nga mesazhi që merr në 'Big Love'
“Kallam Veshaj” - Heidi Baci përplaset me Gracianon, pasi ky ofendoi Romeon
Eurovision 2024: Këngëtarja e Izraelit, Eden Golan është urdhëruar të qëndrojë në dhomën e hotelit nën masa të rrepta sigurie
Xhuli: Brenda një jave udhëtoj në 10 shtete, është e lodhshme
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe