Të paktën katër të plagosur nga një sulm me thikë në një supermarket në Zelandë të Re, dëshmitarët rrëfejnë tmerrin

Katër persona janë plagosur, tre prej të cilëve tani janë në gjendje kritike, pas një sulmi me thikë në një supermarket të Zelandës së Re.

Sipas medieve të huaja, përcjell Telegrafi, goditja me thikë ndodhi në një dyqan Countdown në qytetin Dunedin në ishullin Jugor.

Ndërkohë, bëhet e ditur se kalimtarët morën masa për sulmuesin, i cili më pas u arrestua.

Kryeministrja Jacinda Ardern tha se motivi nuk ishte i qartë, por se nuk kishte asnjë tregues se ishte një rast që kishte të bënte me terrorizmin.

Dhe komandanti i qarkut policor Paul Basham e përshkroi incidentin e së hënës si një sulm të rastit.

Police are responding to an incident in central Dunedin.

It occurred on Cumberland St at about 2.30pm.

Initial information suggests several people have been injured.

One person has been taken into custody.

Further information will be released when available.

— New Zealand Police (@nzpolice) May 10, 2021

Incidentet e dhunës masive janë të rralla në Zelandën e Re, por vendi pa të shtënat në Christchurch 2019 kur një supremacist i bardhë vrau më shumë se 50 njerëz në dy xhami.

Raportet e mediave lokale thonë se katër të plagosurit të hënën përbëhen nga punonjës të supermarketit dhe klientë ndërsa policia tha se i dyshuari pësoi një dëmtim të vogël dhe po merrte kujdes mjekësor nën rojën e policisë.

Dëshmitarët kanë përshkruar skenat kaotike në supermarket ndërsa sulmi u zhvillua.

“Ne sapo dëgjuam një britmë dhe menduam se dikush duhet të jetë rrëzuar në tokë, por ajo bëhej gjithnjë e më e fortë dhe më shumë njerëz ulërinin”, ka rrëfyer një grua.

“Unë pashë një dorë të përgjakur dhe të gjithë filluan të vraponin drejt daljeve”. /Telegrafi/