Ramadani thotë se Prishtina me plot meritë e mori vendin e parë

Prishtina fitoi 2-1 në kuadër të javës së 34-të në Superligën përballë Feronikelit.

“Pas ndeshjes, trajneri Zekirija Ramadani ka thënë se skuadra e tij e meritoi me plotë meritë që të merrte vendin e parë, derisa janë shumë afër të shpallen edhe kampionë”.

“U zhvillua një derbi i vërtetë dhe me shumë emocion. E nisëm mirë, shënuam gol dhe kishim posedimin e topit dhe lojën në kontroll”.

Lexo po ashtu Vazhdon Prishtina sigurt drejt titullit - fiton në shtëpi ndaj Feronikelit

“Por, një gabim që mendoj se u ndodhë edhe portierëve me emër të madh, mirëpo ajo që më gëzoi ishte shpirti luftarak i lojtarëve”.

“Treguan se mund t’i ndalin në ndihmë shokut të ekipit. Pastaj, e shënuam golin e dytë, por pastaj kishim një penallti kundër nesh. Fati dhe Zoti i ndihmon ata që kanë guxim. Ishte një ndeshje me luftë të madhe nga të dyja skuadrat, por këtu ku jemi, jemi me shumë meritë”, përfundoi Ramadani.

Me këtë fitore Prishtina është forcuar në vendin e parë me 75 pikë, pesë më shumë se Drita në vend të dytë dhe shtatë më shumë se Ballkani. Deri në fund kanë mbetur edhe dy xhiro për t’u zhvilluar.

Prishtina në xhiro ne parafundit luan në udhëtim ndaj Gjilanit, ndërsa ndeshjen e fundit e luan në Prishtinë kundër Ballkanit. Për t’u bërë kampione i duhet vetëm një pikë nga këto dy përballje. /Telegrafi/