Përfundon eksperimenti i madh sa i përket COVID-19, mësohet se sa persona u infektuan në koncertin ku morën pjesë 5 mijë njerëz

Skena të “pabesueshme” nga Spanja janë bërë virale. Bëhet fjalë për rreth 5 mijë persona që janë mbledhur në një koncert në Barcelonë, që është organizuar më qëllim të kryhen hulumtime sa i përket përhapjes së coronavirusit nëpër ngjarje të mëdha.

Të gjithë vizitorët në hyrje janë testuar ndaj COVID-19, dhe është dashur gjatë tërë kohës të bartin maska. Por, nuk kanë qenë të detyruar të qëndrojnë larg njëri-tjetrit. E nga tribuna i ka argëtuar grupi Love of Lesbian, transmeton Telegrafi.

E rezultat e marra së fundmi nga ky eksperiment, kanë treguar se gjashtë persona janë infektuar me coronavirus në periudhën prej 14 ditëve pas mbajtjes së koncertit në Barcelonë, por incidenca ka qenë më e vogël sesa në tërë popullatën, shkruan BBC.

📽 Ja ha acabat el concert dels Love of Lesbian al Palau Sant Jordi de Barcelona, amb 5.000 persones
👉 https://t.co/PhN8HE2RVO pic.twitter.com/MqBxoNPehw

— Catalunya Informació (@Catinformacio) March 27, 2021

Nga gjashtë të infektuarit, ekspertët kanë konstatuar se katër prej tyre janë infektuar diku tjetër e jo në koncert, ku kishin marrë pjesë.

“Nuk ka indikacione që virusi është bartur në koncert. Shpresoj që këto rezultate do të kenë ndikim në kulturën botërore dhe që muzika të dëgjohet ashtu siç e meriton”, ka thënë infektologu Josep Maria Libre.

Koncerti në Barcelonë ka qenë një prej ngjarjeve më të mëdha kulturore në Evropë, e organizuar që nga fillimi i pandemisë së coronavirusit.

E një eksperiment i ngjashëm është kryer muajin e kaluar në Holandë, ku rreth 1.500 njerëz janë mbledhur në një aheng për plot dy ditë. /Telegrafi/