Tuchel nuk është i kënaqur me barazimin ndaj Real Madridit në ndeshjen e parë

Thomas Tuchel mbeti i zhgënjyer nga rezultati 1-1 i Chelseat në ndeshjen e parë të gjysmëfinales së Ligës së Kampionëve kundër Real Madrid të martën.

Përkundër vlerësimit të ‘guximit’ të djelmoshave të tij për fillimin e shkëlqyeshëm në stadiumin Alfredo Di Stefano, menaxheri gjerman këmbënguli se Blutë mund të kishin shënuar shumë më tepër sesa goli i Christian Pulisic duke pasur parasysh presionin që ata aplikuan në fillim.

Timo Werner ishte përgjegjës për shansin më zhgënjyes të humbur kur gjuajti drejt portierit Thibaut Courtois nga afërsia në 10 minutat e para.

Lexo po ashtu Real Madrid dhe Chelsea ndahen baras, do të vendos takimi i dytë në “Stamford Bridge”

Tuchel ka folur pas ndeshjes, duke thënë se Chelsea mund të kishte përfunduar ndeshjen dhe ndoshta edhe tërë gjysmëfinalen gjatë gjysmë orës së parë.

“Ne e filluam ndeshjen shumë mirë, me shumë guxim dhe cilësi. Ne e meritonim të fitonim pjesën e parë, kishim shumë raste”, ka thënë fillimisht Tuchel për BT Sport.  

The boss with his verdict on #RMACHE this evening as it ended all square in the #UCL.

— Chelsea FC (@ChelseaFC) April 27, 2021

“Fatkeqësisht ata shënuan nga një ndërprerje dhe nuk kishin asgjë tjetër, ne nuk lejuam asnjë rast për ta”.

“Ishte një rezultat zhgënjyes në pjesën e parë. Ne duhej të qëndronim të qetë dhe të mos humbnim besimin”.

Lexo po ashtu Tuchel ka luajtur pesë herë ndaj Realit dhe nuk ka humbur kurrë

“Pjesa e dytë ishte shumë taktike, ju mund të ndjeni se ne jemi pak të lodhur. Kishim vetëm disa ditë për të rikuperuar një tjetër ndeshje të vështirë në udhëtim. Ne duhet të jetojmë me rezultatin 1-1”.

“Goli ishte i merituar dhe ne duhet të kishim shënuar të paktën një më shumë”, përfundoi trajneri gjerman i Chelsea. /Telegrafi/