Shembulli i Erlinda Muslijit, arsimtare e gjuhës shqipe në shkollën “Elena Gjika”, në Prishtinë dëshmon madhështinë e karakterit, etikës, humanizmit dhe profesionalizmit, edhe midis nesh, në mishmashin e vlerave në Kosovë
Kur shpesh herë, gjithçka e fusim në një thes duke përgjithësuar, se arsimi në Kosovë është vaj halli, se gjithkush dhe çdo profesion, përfshirë edhe ato humanet si mjekësia e mësimdhënia e kanë humbur kuptimin, dalin e vezullojnë yje si Erlinda, që ndriçojnë bukur në errësirën e pesimizmit tonë kolektiv dhe refuzojnë të hyjnë në një thes.
Kjo vajzë e re, e kualifikuar si arsimtare e gjuhës shqipe, punon vullnetarisht në shkollë, bile së voni ka pranuar edhe përgjegjësinë shtesë që të jetë kujdestare e klasës së Stinës (klasa VI-të).
Prindërit, edhe pse nuk kanë kohë të takohen shpesh me mësuesit, në fakt janë kamerat e padukshme që observojnë mësuesit përmes rrëfimeve të fëmijëve. Nga ajo çfarë Stina më rrëfen, kam krijuar përshtypjen se Erlinda, ajo vajzë e re është jo vetëm një gjuhëtare e mirëpërgatitur, por ajo ka të brumosur edhe anën pedagogjike. Ajo u ofron shumë dashuri e motivim. Ne nuk e dinim që ajo punon vullnetare në shkollë. E kuptuam vetëm kur biseduam me drejtorin e shkollës, rastësisht, para disa ditësh. Mbetëm të mahnitur!
Ky shembull jep shpresë për këtë vend! Ky shembull na turpëron gjithë ne të tjerëve që paguhemi dhe mbase prapë se prapë ankohemi. Ky shembull duhet nxjerrë në spikamë me një altoparlant gjigant, duhet duartrokitur me përulësi, duhet shumëfishuar!
Erlinda, kaq e re, ti je një lajmëtare e shpresës për kthimin e vlerave në shoqërinë tonë! Kaq e re, je një mësuese e mirëfilltë dhe vullnetare!
Erlinda, je yll i bukur që ndriçon vlershëm në shkretëtirën e përhumbjes sonë etike, humane e profesionale!
Qofsh gjithmonë yll ndriçues!
Të faleminderit është më e pakta që duhet të të themi!
Teuta S. Haxhimusa
/Telegrafi/
Promo
Reklamo këtuLufta Prigozhin - Putin
Më shumëMospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Kosova jashtë KiE-së, deputetja finlandeze akuzon BE-në se po tregohet e butë me Serbinë
Kosova jashtë KiE, Mujanoviq: BE po çon ujë në ‘mullirin’ e Vuçiqit
Operacioni i SPAK, RENEA ‘zbarkon’ në vilat e bosëve të krimit, ngjiten me shkallë
Plagosje me armë zjarri në Nashec të Prizrenit
Vjosa Osmani në Clinton Global Initiative në Bullgari
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë