Raporti i ri i AstraZeneca thotë se vaksina ishte 76 për qind efektive në parandalimin e simptomave të COVID-19
Gjiganti i ilaçeve AstraZeneca azhurnoi të dhënat e saj se sa mirë funksionon vaksina anti-COVID, duke thënë dje (e mërkurën) se vaksina tregoi 76 për qind efikasitet kundër sëmundjes simptomatike të coronavirusit dhe 100 për qind efikasitet kundër sëmundjes së rëndë – kritike ose nevojës për shtrim në spital.
Vaksina ishte 85 për qind efektive në parandalimin e simptomave tek vullnetarët 65 vjeç e lart, tha kompania.
Shifrat nuk janë shumë të ndryshme nga të dhënat që kompania lëshoi në një deklaratë të hënën. Ashtu si me të dhënat e së hënës, kompania i ka lëshuar ato përmes njoftimit të lajmeve dhe jo në një raport të vlerësuar nga kolegët ose si një paraqitje zyrtare për rishikimin e Administratës Amerikane të Ushqimit dhe Barnave.
“Analiza kryesore është në përputhje me analizën tonë të përkohshme të lëshuar më parë dhe konfirmon se vaksina jonë anti-COVID është shumë efektive te të rriturit, duke përfshirë ata të moshës 65 vjeç e lart. Ne shpresojmë të regjistrojmë kërkesën tonë rregullatore për Autorizimin e Përdorimit të Emergjencës në SH.B.A. dhe jemi duke u përgatitur për shpërndarjen e miliona dozave në të gjithë Amerikën”, tha Mene Pangalos, nënkryetar ekzekutiv për kërkimin e biofarmaceutikës për kompaninë, në një deklaratë, shkruan CNN.
Të martën, Bordi i Pavarur i Monitorimit të të Dhënave dhe Sigurisë (DSMB) që rishikon të dhënat nga kandidatët e shumtë të vaksinave anti-COVID shprehën shqetësim në lidhje me njoftimet e AstraZeneca mbi gjetjet e saj të fundit dhe, në mënyrë të pazakontë, Instituti Kombëtar i Alergjisë dhe Sëmundjeve Infektive shpalli publikisht këto shqetësime.
Të hënën, AstraZeneca tha se vaksina e saj anti-COVID tregoi 79 për qind efikasitet kundër sëmundjes simptomatike dhe 100 për qind efikasitet kundër sëmundjes së rëndë dhe shtrimit në spital. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore