Pak para seancës, këta janë emrat që pritet të jenë ministra në Qeverinë Kurti 2

Qeveria Kurti 2 pritet që të votohet pasditen e së hënës, ndërkaq janë caktuar tashmë edhe emrat që do të përbëjnë kabinetin e ri qeveritar.

Kandidati për kryeministër i Vetëvendosjes, Albin Kurti është deklaruar para mediave para votimit të Qeverisë së Kosovës dhe ka konfirmuar se tashmë është bërë caktimi i ministrave, transmeton Telegrafi.

“I di emrat e ministrave, së shpejti i merrni vesh edhe ju”, tha shkurtimisht ai.

Pas seancës për konstituimin e Kuvendit, ushtruesi i detyrës së presidentit të Kosovës, Glauk Konjufca i ka kërkuar propozimin e Lëvizjes Vetëvendosje për kryeministër.

Lexo po ashtu Lëvizja Vetëvendosje ia kthen letrën Konjufcës, seanca për votimin e Qeverisë mbahet sot

Ndërkaq, Lëvizja Vetëvendosje i ka kthyer letrën me propozimin për kryeministër ushtruesit të detyrës së Presidentit, Glauk Konjufca.

Burime të Telegrafit brenda LVV-së kanë bërë të ditur që letra i është kthyer Konjufcës, ndërkaq është konfirmuar se sot do të mbahet seanca e Kuvendit të Kosovës për zgjedhjen e kryeministrit.

Disa nga emrat të cilët janë përmendur për pozitat e ministrave janë:

Zëvendëskryeministër pritet të emërohet Besnik Bislimi,

Ministrinë e Punëve të Jashtme pritet ta drejtojë Donika Gërvalla,

Ministrinë e Punëve të Brendshme, Xhelal Sfeçla,

Ministrinë e Arsimit, Arbërie Nagavci,

Ministrinë e Shëndetësisë pritet ta udhëheq Arben Vitia,

Ministrinë e Bujqësisë pritet ta udhëheqë Faton Peci,

Ministrisë e Kulturës Hajrullah Çeku,

Ministrinë e Drejtësisë pritet ta udhëheqë Albulena Haxhiu,

Ministrinë e Financave pritet ta udhëheqë Hekuran Murati,

Ministrinë e Tregtisë pritet ta drejtojë Rozeta Hajdari,

Ministrinë e Mjedisit pritet ta udhëheq Liburn Aliu,

Ministrinë e Pushtetit Lokal, Emilija Rexhepi.

Nuk dihet ende se kush do të jetë ministri i Mbrojtjes, e po ashtu nuk dihet nëse do të ketë Lista Serbe post ministror. /Telegrafi/