Ish-shefi i Dinamo Zagrebit në arrati hedh akuza mbi Modric e Lovren: Ata janë bashkëpunëtorë, paratë kanë shkuar në llogaritë e tyre
Zdravko Mamic gjatë ditës së sotme (e martë) ka mbajtur një konferencë për media në Mostar, në të cilën ka folur si i arratisur nga drejtësia kroate dhe e ka komentuar vendimin që e ka dënuar me gjashtë vjet e gjysmë burg.
Ish-shefi ekzekutiv i Dinamo Zagrebit ka folur në lidhje me dënimin ndaj tij dhe e ka shfrytëzuar një pjesë të shkurtër të prezantimit për të theksuar se, sipas tij, është dashur të dënoheshin edhe Luka Modric dhe Dejan Lovren, pasi kanë pranuar para nga ai.
“Vëllai im dhe unë nuk jemi të dënuar për asnjë kunë (monedhë kroate) të vetme taksash. Nga Luka Modric e Dejan Lovran, ata i kanë pranuar në llogaritë e tyre shumat e parave që më ngarkohen mua. Luka Modric ka edhe sot miliona euro në atë llogari, të cilat i ka ndarë me mua si investues përmes një marrëveshjeje private. E kam pranuar si i arratisur”.
“Ne jemi takuar dhe e kemi nënshkruar marrëveshjen për ndarjen e parave, ai i ka tërhequr paratë, një pjesë ma ka dhënë mua. Kurrë asnjë lojtar në histori nuk ka paguar asnjë lipë (e njëqinda e kunës) tatim. Të vetmit në histori që kanë paguar kanë qenë Dinamo. Nëse vëllezërit Mamic duhet t’i kthejnë paratë, atëherë duhet t’i kthejnë edhe Lovren dhe Luka Modric”, citon index.hr fjalët e tij.
“Ata janë bashkëpunëtorë, paratë janë tek ata, ata kanë ardhur në gjykatë, kanë thënë: ‘Ne kemi nënshkruar anekse’. Ose jemi bashkë në vepër ose askush nuk është. Çfarë lloj inteligjence është e nevojshme, çfarë lloj shkence është e nevojshme?”.
“Si është e mundur që të 93 dëshmitarët e Prokurorisë, të gjithë të dëshmonin në favor të vëllezërve Mamic. Të gjithë kanë dëshmuar në favor tonin. Ndërsa gjykata gjatë periudhës së gjykimit, kur e pa se gjithçka po bie në ujë. Ndërsa gjykata gjatë periudhës së gjykimit, kur e pa se gjithçka po bie në ujë, përmes filialit të saj simotër ngriti aktakuzë ndaj Lovrenit dhe Modricit për dëshmi të rreme”, ka shtuar më tutje.
Ndryshe, Zdravko Mamic është shpallur fajtor për të gjitha pikat e akuzës, ndërsa pas ndërhyrjes së Gjykatës së Lartë kroate, përfundimisht është dënuar për të gjitha pikat pos njërës. Dënimi kryesor ka të bëjë me shmangien e tatimit dhe përvetësimit të parave të transferimit të Luka Modricit te Tottenham Hotspur (2008) dhe Dejan Lovrenit te Lyoni.
Zoran Mamic dhe Milan Pernar janë shpallur fajtorë për për uljen e detyrimeve tatimore të Mamicit dhe pranimin e ryshfetit, kurse Zoran Mamic edhe për dhënie të ryshfetit. Zdravko dhe Zoran Mamic janë fajtorë për pikën e tretë të akuzës, gjegjësisht për ndarjen e transferimit për Dejan Lovren, ndërsa Zdravko Mamic edhe për ndarjen e transferimit për Luka Modric. /Telegrafi/
Promo
Reklamo këtuLufta Prigozhin - Putin
Më shumëXabi Alonso mund të prishë planet e Barcelonës në Ligën e Kampionëve 2024/25
Barcelona identifikon sulmuesin anësor si objektiv kryesor të verës
Barcelona dhe Bayern Munich po konsiderojnë shkëmbimin e çmendur, marrëveshja do t'i bënte të dy klubet jashtëzakonisht të lumtur
Kaos në Francë: Tifozët dhe lojtarët e klubit hodhën fishekzjarrë kundër njëri-tjetrit, për shkak të kësaj ata do të bien nga liga
Thiago Silva arrin marrëveshje me klubin e ri
Ancelotti zbulon se çfarë e dallon këtë skuadër të Real Madridit nga çdo ekip që ai ka drejtuar ndonjëherë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City