Zhvillimet e fundit në AAK, sot mblidhet Kryesia e partisë

Kryesia e Aleancës për Ardhmërinë e Kosovës sot do të mbajë mbledhje pas zhvillimeve të fundit në këtë parti.

Telegrafi mëson se mbledhja e Kryesisë së AAK-së mbahet në ora 11:00.

Në këtë mbledhje do të diskutohet për zhvillimet e fundit në këtë parti, pas dorëheqjes së Meliza Haradinajt nga pozita e ministres së Punëve të Jashtme dhe nga anëtarësia nga kjo parti, pasi dyshohet për blerje të votave.

Në këtë mbledhje po ashtu pritet të diskutohet edhe për zgjedhjet lokale që pritet të mbahen këtë vit në vend.

Ndryshe, ish ministrja në detyrë e Punëve të Jashtme (MPJ) Meliza Haradinaj pas audio-incizimeve ku pretendohej se janë bërë manipulime me vota në zgjedhjet e 14 shkurtit, ka dhënë dorëheqje “morale” siç e quan ajo nga të gjitha pozitat e saj përfshirë dhe AAK-në.

Për veprimin e Haradinaj-Stublla kishte reaguar Pal Lekaj i cili e kishte quajtur veprimin e saj të ngutshëm dhe i ardhur në një moment jo të përshtatshëm, pasi që, sipas tij, një veprim i tillë është dashur të merrej atëherë kur racionaliteti vendoset mbi emocionet personale. Mirëpo, pas kësaj deklarate Haradinaj-Stublla e quan Lekajn “kryetoksik” të AAK-së. /Telegrafi/