Mbi 60 për qind e rusëve nuk dëshirojnë të marrin vaksinën Sputnik V

Pothuajse dy të tretat e rusëve nuk dëshirojnë të marrin vaksinën ruse të coronavirusit, Sputnik V dhe afërsisht i njëjti numër beson se virusi është një armë biologjike e prodhuar artificialisht, tregoi një sondazh të hënën.

Instituti Levada Center tha se një studim i kryer muajin e kaluar zbuloi se 62 për qind e të anketuarve nuk dëshironin të merrnin vaksinën ruse të coronavirusit, shumica e tyre midis moshës 18 dhe 24 vjeç, transmeton Telegrafi.

Shumica përmendën efektet anësore, përfshirë ethet dhe lodhjen, si arsyen kryesore pse ata nuk dëshironin të vaksinoheshin, raporton buisnessrecorder.

Studimi, i kryer në 1,601 njerëz në 50 rajone, zbuloi se 64 për qind e njerëzve besojnë se coronavirusi është një armë biologjike. Besimi se virusi është një armë biologjike ndahet nga 71 për qind e rusëve midis moshës 40 dhe 54 vjeç, dhe vetëm 23 për qind besojnë se ajo u shfaq natyrshëm.

Rusia ka raportuar gati 4.3 milion të infektuar që nga fillimi i pandemisë. Tre vaksina COVID-19 janë miratuar në Rusi.

Vendi, me rreth 145 milion banorë, nisi një vaksinim masiv me Sputnik V në muajin dhjetor. Deri më 10 shkurt, dozën e parë e kanë marrë më shumë se dy milion rusë. /Telegrafi/