Ish-presidenti francez Nicolas Sarkozy shpallet fajtor për korrupsion, dënohet me tre vjet burg

Ish presidenti francez Nicolas Sarkozy u shpall të hënën fajtor për korrupsion dhe u dënua me një burg tre-vjeçar.

Sipas Euronews, përcjell Telegrafi, Sarkozy i cili ishte president nga 2007 në 2012, mohoi vendosmërisht të gjitha akuzat kundër tij gjatë gjykimit 10-ditor që u zhvillua vitin e kaluar.

Avokati i Sarkozy, Thierry Herzog dhe gjyqtari i lartë, Gilbert Azibert, gjithashtu morën të njëjtin dënim.

Prokurorët kanë kërkuar dy vjet burg dhe një dënim me kusht dy vjet me kusht për të tre të pandehurit për atë që ata thanë se ishte një “pakt korrupsioni”.

Ish-presidenti, 66-vjeçar u shpall fajtor pasi tentoi të korruptonte zyrtarin, Gilbert Azibert, për një punë prestigjioze në Monako në këmbim të informacionit në lidhje me një hetim penal në partinë e tij politike.

Sarkozy mund ta vuaj dënimin në shtëpi.

Në vendim, gjykatësi deklaroi se Sarkozy mund të vuante arrest shtëpiak, derisa ky i fundit pritet të apelojë.

“Asnjë pakt nuk ka ekzistuar kurrë”, i tha Sarkozy gjykatës. “As në kokën time dhe as në realitet”.  /Telegrafi/