Tuchel: Unitedi i Solskjaerit më dha humbjen më të hidhur në karrierë

Chelsea do të jetë nikoqir i Manchester United në përballjen që zhvillohet në kuadër të javës së 26-të në Ligën Premier.

The Blues dhe Djajtë e Kuq takohen të dielën e fundit të muajit shkurt me fillim nga ora 17:30.

Për këtë takim, trajneri i skuadrës londineze, Thomas Tuchel ka thënë se ata janë përgatitu shumë dhe ka pranuar se Unitedi i Ole Gunnar Solskjaerit i ka dhënë atij humbjen më të hidhur në karrierë sa ishte te Paris Saint-Germain.

Chelsea, Man Utd… We go way back! 🔵🔴#CHEMUN

— Chelsea FC (@ChelseaFC) February 26, 2021

“Unë mund të jem shumë i sinqertë pas asaj ndeshjeje. Isha dy ditë në një vend shumë të errët dhe mund t’ju them se nuk isha në gjendje të flisja me askënd dhe të mendoja për asgjë tjetër përveç kësaj humbjeje”, ka thënë gjermani në konferencë për media.

“Kjo ishte ndoshta disfata më e keqe që pësova sepse erdhi nga askund. Në rrethanat që ajo mbërriti, unë isha për dy ditë në një vend të errët nëse do të vazhdoja të isha trajner”.

↪️ Turning our focus back to domestic matters! 👊#MUFC #CHEMUN pic.twitter.com/g4wyvzelfb

— Manchester United (@ManUtd) February 26, 2021

“Nuk ka asnjë mënyrë që të mund t’i krahasoni këto dy ndeshje me njëra-tjetrën. Unë ju thashë se si u ndjeva pas kësaj humbje në Ligën e Kampionëve. Të gjithë e dimë që humbjet janë të vështira për tu tretur. A jam unë një humbës i mirë? Kështu që po. Ndoshta jo kaq shumë, por më trego një humbës të mirë në këtë nivel”.

“Unë do të doja ta ktheja atë. Ne e duam garën dhe ne duam të fitojmë dhe ne duam një luftë të mirë dhe kjo është ajo që shpresojmë të marrim të dielën”, ka shtuar më tej Tuchel.

Manchester United është aktualisht në vendin e dytë me 49 pikë, derisa Chelsea është në të pestin me 43 sosh. /Telegrafi/