Futbollisti amerikan kishte zgjedhur personin e gabuar për ta ofenduar, e pësoi keq – luftëtari i arteve marciale e grushtoi pandërprerë

Futbollisti amerikan i Oklahoma Sooners për pak sa nuk mbeti pa njërin sy, pasi u përfshi në një përleshje brenda një bari me një burrë, i cili kishte kaluar vite të tëra duke ushtruar si luftëtar i arteve marciale.

Videoja që po qarkullon në rrjete sociale, shfaq Spencer Jones duke u konfrontuar verbalisht me një mashkull tjetër brenda tualetit të lokalit – që nuk është larg stadiumit ku ai luan, transmeton Telegrafi.

Në një moment futbollisti dëgjohet duke fyer luftëtarin e MMA i cili me çdo kusht mundohet ta shmang konfrontimin fizik. Megjithatë në një moment humb durimin dhe gjithçka ndryshon.

Ai e godet në fytyrë Jonesin të cilin më pas e rrëzon në tokë dhe vazhdon ta grushtojë. E miku i futbollistit tenton t’i dalë në ndihmë duke iu vërsulur mikut të luftëtarit të MMA, por edhe ai e pëson keq.

Madje në një moment Jones duket sikur do ta humbe vetëdijen, pasi që luftëtari i MMA e kishte kapur për fyti dhe ai nuk po mund të merrte frymë. /Telegrafi/

https://www.youtube.com/watch?v=vD6uPo10s0I