Tre të vdekur dhe dhjetë të lënduar nga një tornado në Karolinë të Veriut

Autoritetet e Karolinës së Veriut thonë se të paktën tre njerëz kanë vdekur dhe 10 të tjerë u plagosën pasi një tornado u përhap në Brunswick County, Carolina North, duke lënë gjurmë të shkatërrimit të rëndë.

Sipas medieve të huaja, përcjell Telegrafi, zyrtarët thonë se tornado goditi menjëherë pas mesnatës të së martës në qarkun juglindor Brunswick pranë Grissettown, duke shkatërruar shtëpitë, duke rrëzuar linjat e energjisë dhe duke thyer edhe pemët.

Madje, Menaxhimi i Emergjencave të Qarkut Brunswick thotë se njerëzit ishin bllokuar në shtëpi.

Ndërkohë sherifi i Qarkut Brunswick, John Ingram, thotë se kërkimet për njerëzit e zhdukur ishin duke u zhvilluar dhe do të rriten gjatë ditës.

https://www.youtube.com/watch?v=FGrlCc-fc7Q

Ai u ka kërkuar njerëzve që të shmangin zonën ndërsa ekipet punojnë për të pastruar rrugët dhe për të kërkuar viktimat.

Tornado goditi Karolinën e Veriut në të njëjtën ditë kur stuhitë e dimrit shpërthyen në pjesë të Jugut dhe Midwest, duke vrarë të paktën pesë njerëz dhe duke lënë miliona njerëz pa energji elektrike. /Telegrafi/