Deputetja gjermane: Vetëvendosja të çlirohet nga kursi ideologjik dhe të ndjekë dialogun

Pas zgjedhjeve në Kosovë ka reaguar deputetja liberale e Bundestagut, Renata Alt. Ajo e sheh si rrezik për transformimin politik në Kosovë qëndrimin e pakompromis të Albin Kurtit.

Deputetja liberale e Bundestagut, Renata Alt, anëtare e Komisionit të Jashtëm Parlamentar dhe raportuese e partisë liberale FDP për Evropën Lindore e Juglindore në një reagim për Deutsche Wellen pas zgjedhjeve në Kosovë thekson se fitorja e Vetëvendosjes, tregon se sa e madhe është dëshira për transformim në Kosovë.

“Me premtimin e tij për të luftuar në mënyrë të qëndrueshme korrupsionin dhe keqmenaxhimin ekonomik, ish-kryeministri, Albin Kurti ka zgjuar pritshmëri të mëdha. Besueshmëria e tij varet shumë nga ajo nëse ai i përmbush ato megjithë vështirësitë e brendshme politike dhe ekonomike.”

Deputetja liberale Renata Alt sheh gjithashtu me skepticizëm qëndrimin e pakompromis të Albin Kurtit.

“Pa kompromisi politik i Albin Kurtit nuk është një premisë e mirë për këtë, dhe mund të jetë një sfidë e madhe në krijimin e qeverisë. Nëse Vetëvendosja nuk do që pas optimizmit të madh të vijë zhgënjimi i madh, duhet që ajo të çlirohet nga kursi ideologjik dhe të ndjekë dialogun. Kjo është e pazëvendësueshme edhe për normalizimin e marrëdhënieve me Serbinë dhe për një marrëdhënie të besueshme me diplomatët evropianë. BE ka në të njëjtën masë përgjegjësinë për të realizuar liberalizimin shumë të vonuar të vizave”, shprehet deputetja gjermane për mediat./DW/

Mit Sieg d. #Vetevendosje bei Parlamentswahlen stehen Zeichen im #Kosovo auf Wandel. Hohe Erwartungen dürfen aber nicht durch polit. Kompromisslosigkeit enttäuscht werden. Ob die Partei dem gewachsen ist, wird sich bei #Regierungsbildung zeigen! Mehr dazu: https://t.co/6RRlbvb5Ed

— Renata Alt (@RenataAlt_MdB) February 15, 2021