Restorantet dhe muzetë rihapen ndërsa Italia relakson masat kundër coronavirusit

Italia të hënën lehtësoi disa masa kufizuese të vendosura si pasojë e rasteve me coronavirus në shumicën e rajoneve të saj, duke ofruar liri më të madhe për të udhëtuar dhe rihapjen e bareve, restoranteve dhe muzeve.

Sipas medieve të huaja, përcjell Telegrafi, Qeveria njoftoi një lehtësim të kufizimeve të premten, edhe pasi Organizata Botërore e Shëndetësisë (OBSH) dhe ekspertë të tjerë paralajmëruan se lëvizja mund të jetë e parakohshme.

Gjashtëmbëdhjetë rajone janë tani nën kategorinë e rrezikshme më të ulët “të verdhë”, ndërsa pesë – Sicilia, Sardenja dhe Puglia në jug, Umbria në qendër dhe Tiroli i Jugut në veri – janë ende “portokalli”.

Në Romë, i cili është në rajonin e “verdhë” të Lazios, Koloseu dhe monumentet e tjera turistike rihapën dyert e tyre gjithashtu.

Vatikani gjithashtu lehtësoi kufizimet e coronavirusit, duke lejuar vizitorët të ktheheshin në Muzetë e Vatikanit pasi u mbyllën për 88 ditë – mbyllja më e gjatë që nga Lufta e Dytë Botërore.

Sidoqoftë, muzetë mund të qëndrojnë të hapur në rajone “të verdha” vetëm gjatë javës.

Në zonat “portokalli”, baret dhe restorantet janë të kufizuara në “marrjen apo shpërndarjen për në shtëpi” dhe njerëzit nuk mund të largohen nga qytetet e tyre të banimit përveç për punë ose nevoja urgjente, dhe muzetë qëndrojnë të mbyllur.

Një shtetrrethim mbarëkombëtar mbetet në vend nga ora 10 e mëngjesit deri në orën 5 të mëngjesit, së bashku me distancën shoqërore dhe maskën në publik.

Vendi ka qenë një nga më të goditurit nga pandemia e coronavirusit, me më shumë se 2.5 milionë infeksione dhe rreth 88.500 vdekje nga COVID-19.

Ajo regjistroi 11,252 raste të reja me coronavirus dhe 237 vdekje të dielën.

Ndërkohë ministri i Shëndetësisë, Roberto Speranza, tha se kthimi në zonat e verdha “nuk do të thotë që rreziku ka mbaruar”. /Telegrafi/