Politikanë dhe kriminelë po bëjnë pastrim parash me Bitcoin në Shqipëri

Bitcoin, paraja virtuale ka nisur të përdoret edhe në Shqipëri. Të parët janë pjesëtarët e botës së krimit, por edhe politikanë, të cilët shfrytëzojnë fshehtësinë e monedhës për të transferuar dhe pastruar paratë e pista.

Top Channel ka biseduar me një prodhues të parave virtuale i cili shpjegon se si këto para janë duke u përdorur.

Gent PROGNI: Bitcoini përdoret për pastrim parash.

GAZETARJA: Përse nuk ka kontroll nga shteti?

Gent PROGNI: Është i paaftë, edhe bota është e paaftë për momentin që ta kontrollojë bitcoinin. Por është edhe shumë i sigurtë, sepse, nuk ekspozohet asnjë e dhënë personale e personave që përdorin bitcoin.

Bitcoin është paraja virtuale që përdoret në shumë vende të botës dhe nga dita në ditë po zëvendëson atë konvencionale. Top Channel ka realizuar intervistë me një person që prodhon bitcoins, por kërkon të qëndrojë i fshehur ashtu si paratë e tij virtuale. Ai thotë se në Shqipëri bitcoini përdoret nga organizatat kriminale dhe politika.

GAZETARJA: Kur ke filluar të merresh me bitcoin?

DENONCUESI X: Bitcoin ka pothuajse 2 vjet që i prodhoj, majner (minierë) quhet. Në Shqipëri ka shumë hotspote që i prodhojnë bitcoins. Mënyra më e thjeshtë për prodhimin e bitcoinve janë pajisjet haitminer që prodhojnë therium ose kriptomonedhë tjetër që në fund konvertohet në bitcoin.

GAZETARJA: A është e ligjshme një gjë e tillë?

DENONCUESI X: Prodhimi i bitcoin nuk është i paligjshëm, sepse cdo mjet që prodhon bitcoin është i ligjshëm. Por mënyra se si aparaturat sillen këtu duke përdorur energjinë  e papaguar e bën atë të paligjshëm.

GAZETARJA: Kush i prodhon këto bitcoin, pra kush janë porositësit?

DENONCUESI X: Hapin e parë e bëjnë organizatat kriminale. Organizatat kriminale bitcoinin e përdorin për pastrim parash, për konvertimin e parave të pista, për dërgesa të parave që fitohen në mënyrë kriminale jashtë vendit dhe i sjellin në Shqipëri.

GAZETARJA: Porositës të bitcoinit në Shqipëri a kemi njerëz që merren me politikë?

DENONCUESI X: Po. Ka persona me poste të larta që kanë krijuar hotspotet e tyre dhe prodhojnë bitcoin.

Po përse bitcoin porositet nga organizatat kriminale?

” Dy janë arsyet kryesore, ulja e kostos së transaksioneve dhe shmangia e kontrollit e sistemit bankar”, shprehet Agim Kukeli, ekspert ekonomie.

Të prodhosh bitcoin ka kosto të lartë, ndërsa fitimi është marramendës.

“Një bitcoin në këto momente që flas kushton 23 mijë euro. Çmimi i lartë justifikohet me faktin se oferta e bitcoinit është e kufizuar”, shton më tej Kukeli.

GAZETARJA:Sa është kostoja e prodhimit të një bitcoini?

DENONCUESI X: Prodhimi i një bitcoini sot kap koston e 32 mijë dollarëve. Pajisja që përdoret për prodhimin e bitcoinit kushton nga 300 dollarë deri në 3.500 dollarë, plus që energji elektrike kushton shumë diku tek 3000 mijë dollarë.

GAZETARJA:Dhe sa fiton?

DENONCUESI X: Sipas pajisjes fitohet nga 2.5 dollare në 25 dollarë në ditë.

GAZETARJA: A nuk të duket kjo si firmat paramidale, është e frikshme mënyra se si i rritet vlera kësaj monedhe virtuale?

DENONCUESI: Për dikë nuk ka infomacion nga teknologjia tingëllon si skemë mashtrimi. Bitcoini është si bursa botërore.

” Kriptomonedha është një monedhë elektronike që është tepër e sigurt, madje më e sigurtë se një llogari bankare”, shprehet Gent Progni./ Top Channel