Rio Ferdinand me fjalë të mëdha për blerjen e re të Manchester United: Amad Diallo mund të jetë Cristiano Ronaldo i ri

Manchester United ka blerë pak ditë më parë nga Atalanta, talentin e madh Amad Diallo.

Për transferimin më të ri ka folur legjenda e këtij klubi, Rio Ferdinand, i cili pret shumë nga talenti Diallo.

“Ne sapo kemi marr një të ri nga Atalanta dhe shpresojmë se mund të bëjë mirë, ai ka të gjitha potencialin për të shpërthyer. Nëse e shihni se ai luan, ne potencialisht po flasim për një futbollist të klasit botëror. Unë e kam parë atë në disa video dhe ai më bëri përshtypje”.

“Unë nuk dua ta bëj presion duke dhënë emrin e Cristiano Ronaldos, por askush nuk e njohu Cristianon kur e blemë, duke përjashtuar njerëzit në Portugali”.

“Por ai ishte 17 vjeç, flitej mirë për të, por asgjë më shumë, si Diallo. Në këtë kuptim, historia e Diallo është shumë e ngjashme dhe duke e parë atë në fushë dhe duke dëgjuar se si flasin për të, ai mund të bëhet një nga më të mirët në botë”, ka thënë Ferdinand.

Tutje, Feridinand shtoi se lojtari në Manchester United, i ka të gjitha mundësitë që të shkëlqejë. /Telegrafi/